Makronun səfəri öncəsi Yeni Kaledoniyada etiraz aksiyaları və polislə toqquşma

Reuters:  Yeni Kaledoniyada etirazçılar bir gecədə yeni barrikadalar quraraq, gücləndirilmiş Fransa polisi ilə pişik-siçan oynayıb, çərşənbə günü son 40 ilin ən pis iğtişaşlarından sonra prezident Emmanuel Makronun gəlişi ərəfəsində müstəqillik tərəfdarı olan qrup bildirib.

Makron Fransanın Sakit okeandakı xarici ərazisinə cümə axşamı gələcək, bu, hökumətin bir həftə əvvəl qəbul etdiyi seçki islahatlarının altı nəfərin ölümü ilə nəticələnən zorakılığa, maşınların yandırılasına, dükanların talan edilməsinə səbəb olmasından sonra baş verəcək.

Bəzi liderlər bu dəyişikliyin əhalinin 40%-ni təşkil edən yerli Kanakların mövqeyini zəiflədəcəyindən qorxurlar. Yeni Kaledoniya hökuməti bildirib ki, Makronun səfəri elan edildikdən qısa müddət sonra həyata keçirilən böyük kiberhücum internet xidmətlərini iflic etmək məqsədi daşıyır və milyonlarla məktubların bir ünvana göndərilməsinə səbəb olub.

Ərazi hökumətinin nümayəndəsi Kristofer Qayces çərşənbə günü canlı mətbuat konfransında bildirib ki, hücum dayandırılıb və onun mənbəyi məlum deyil.

“Göndərilmiş müxtəlif elektron məktublar eyni anda bir neçə ölkədən gəlib. Onlar Yeni Kaledoniyada kabeli bloklamaq istəyirdilər”,  - Qayces bildirib.

Fransa Ali Komissiyası cümə axşamı keçiriləcək danışıqlarda Makronu müdafiə və daxili işlər nazirlərinin müşayiət edəcəyini və elitar GIGN taktiki komandasının 100-ə yaxın üzvünün Yeni Kaledoniyaya göndərildiyini bildirib.