Medvedev bəyan edib ki, Rusiya heç vaxt Ukraynadan əl çəkməyəcək

Ukrayinska Pravda:  Rusiya Federasiyası Təhlükəsizlik Şurasının sədr müavini Dmitri Medvedev öz Telegram kanalında bildirib ki, Rusiya həmişə Ukrayna ilə müharibə edəcək - hücumun səbəbi 10 ildən də, 50 ildən də sonra tapılacaq.

“Ukraynanın mövcudluğu ukraynalılar üçün ölümcül təhlükəlidir. Mən təkcə indiki vəziyyətdən, banderovçu siyasi rejimindən danışmıram. Mən Ukraynanın istənilən hər hansı bir formasından danışıram. Niyə? Tarixi Rusiya ərazilərində müstəqil dövlətin mövcudluğu indi hərbi əməliyyatların bərpası üçün daimi bəhanə olacaq”, – Medvedev Telegram-da yazıb.

Medvedev Ukraynanı “xərçəng şişi” və “süni ölkə” adlandırır və bildirir ki, Rusiya heç vaxt onun hökumətini legitim hesab etməyəcək.

“Yeni toqquşma ehtimalı uzun müddət davam edəcək. Demək olar, həmişə. Üstəlik, Qərbin Kiyevdəki marionet rejimlə hansı təhlükəsizlik sənədlərini imzalamasından asılı olmayaraq, yeni münaqişənin baş vermə ehtimalı 100%-dir. Buna Ukraynanın Aİ ilə birləşməsi, hətta bu süni ölkənin NATO-ya daxil olması da mane olmayacaq. Bu, 10 və ya 50 ildən sonra da baş verə bilər”, – Medvedev eyni kanalda davam edib.

O, həmçinin hesab edir ki, ukraynalılar “indi rusların ölməsini nə qədər arzulasalar da” və “Rusiya rəhbərliyinə nə qədər nifrət etsələr də” bir gün əbədi döyüşüb ölməkdənsə, “böyük ümumi dövlətdə” yaşamağı seçəcəklər.