Moldova prezidenti deyib ki, Putin dayandırılmalıdır

Moldovanın avropayönlü prezidenti Maia Sandu çərşənbə günü dərc olunan müsahibəsində bildirib ki, Rusiya prezidenti Vladimir Putin Ukraynaya qarşı müharibəsini dayandırmalıdır, əks halda bu, bütün Avropaya baja başa gələcək.

Sandu uzun müddətdir ki, Rusiyanın Ukraynaya müdaxiləsini pisləyir və Kremli Ukrayna ilə Aİ üzvü Rumıniya arasında olan ölkəsinin üzləşdiyi ən böyük təhlükə adlandırır. Rusiya da öz növbəsində onu yaxşı münasibətləri pozmaqda və rusofobiyanı qızışdırmaqda ittiham edir.

“Siz başa düşməlisiniz ki, Putin dayandırılmayınca dayanmayacaq”, - Sandu Rumıniyanın “Veridica” media qrupuna deyib.

"Bunun qarşısı alınmasa, bizim hamımıza baha başa gələcək. Ən böyük fədakarlığı edən Ukraynadır".

Sandu Ukraynanın yardım almağa davam etməsinin "yalnız Ukrayna və Moldovanın deyil" hər kəsin maraqlarına uyğun olduğunu vurğulayıb. Bununla belə, o, həm ABŞ, həm də Avropa İttifaqının maliyyələşdirməsində prosedur gecikmələrini birbaşa qeyd etməyib.

“Mən də dünya demokratiyalarının həmrəyliyinə ümid edirəm və inanıram. Ümid edirəm ki, Ukrayna ona lazım olan hər cür dəstəyi almağa davam edəcək”, o, “Veridica”ya deyib.

Onun sözlərinə görə, Moldova bacardığı qədər kömək edir, mühəndislər hazırlayır və ölkəsinə sığınan 80 min Ukrayna vətəndaşına dəstək verir - bu, Avropada yerli əhaliyə nisbətən qaçqınların ən yüksək nisbətidir. Bu qaçqınların yarısı uşaqlardır.