Israeli Prime Minister Benjamin Netanyahu delivers his speech after a meeting with German Chancellor Olaf Scholz in Jerusalem, Sunday, March 17, 2024. (AP Photo/Leo Correa, Pool) ASSOCIATED PRESS
Netanyahu bildirib ki, İsrail HƏMAS ilə atəşkəslə bağlı danışıqlar masasına qayıdacaq
AP: Baş nazir Benyamin Netanyahu bildirib ki, İsrail HƏMAS ilə atəşkəslə bağlı danışıqlar masasına qayıdacaq.
Cümə günü verilən bu bəyanat israilli girovların azad edilməsi müqabilində İsrailin Qəzzada HƏMAS-a qarşı apardığı dağıdıcı müharibəni dayandırmaq üçün daha bir razılıq əldə etmək cəhdidir. Birləşmiş Ştatlar, Qətər və Misirin atəşkəslə bağlı danışıqlara dair səyləri, görünür, müharibənin altıncı ayına girdiyi üçün dalana dirənib.
HƏMAS daha əvvəl müharibənin dayandırılması və İsrailin Qəzzadan tamamilə çıxarılması, yardım və yenidənqurma üçün sərhədlərin açılması və ömürlük məhkum edilən yüksək rütbəli hərbçilər də daxil olmaqla yüzlərlə fələstinli məhbusun azad edilməsi müqabilində bütün qalan girovların mərhələli şəkildə azad edilməsini təklif etmişdi.
Netanyahu bu şərtləri sayıqlama adlandırıb və bildirib ki, hər hansı girov azad edildikdən sonra İsrail HƏMAS məhv edilənə qədər mübarizəni davam etdirəcək.
HƏMAS-ın 100-ə yaxın girovu, həmçinin qruplaşmanın 7 oktyabr hücumu zamanı öldürülən və ya əsirlikdə ölən 30-a yaxın adamın qalıqlarını saxladığı güman edilir. Hazırkı qarşıdurmaya səbəb olan qəfil hücumda İsraildə 1200-ə yaxın insan həlak olub.
Səhiyyə Nazirliyinin məlumatına görə, İsrailin Qəzzada apardığı müharibədə 32 mindən çox insan həlak olub, 74 min nəfər isə yaralanıb. Səhiyyə Nazirliyi öz hesablamalarında mülki şəxslərlə döyüşçülər arasında fərq qoymur, lakin ölənlərin üçdə ikisini qadın və uşaqların təşkil etdiyini bildirir.
BMT bildirib ki, Qəzzanın 2,3 milyon əhalisinin 100%-i ciddi ərzaq qıtlığı yaşayır. BMT və beynəlxalq yardım qruplarına görə, yardımın çatdırılması İsrailin hərbi məhdudiyyətləri, davam edən hərbi əməliyyatlar və ictimai asayişin pozulması səbəbindən əngəllənib.
-
- Cəmiyyət
- 30 Mart 2024 13:42
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz