Vaşinqton/11.12.23/Turan: ABŞ prezidenti Co Bayden ukraynalı həmkarı Vladimir Zelenskini “ Ukrayna xalqını dəstəkləməkdə sarsılmaz öhdəliyini vurğulamaq üçün” Ağ Evə dəvət edib. Bunu Baydenin sözçüsü Karine Jean Pyer deyib, TURANın Vaşinqton müxbiri xəbər verir. Görüş Bayden administrasiyasınınp Ukraynaya kömək etmək üçün pulun tükəndiyini xəbərdar etdiyi vaxta təsadüf edir. Zelenski bu gün Vaşinqtona işgüzar səfərə gələcək, Ukrayna rəsmilərinin dediyinə görə, “bir sıra görüşlər və müzakirələr” olacaq. Rəsmilərin sözlərinə görə, Bayden və Zelenski danışıqlardan sonra Ağ Evdə birgə mətbuat konfransı keçirəcəklər. Zelenski ABŞ Konqresində çıxış etmək üçün də dəvət olunub. Senatorlar çərşənbə axşamı Zelenskinin Nümayəndələr Palatasının spikeri Mayk Consonla təkbətək görüşünə qatılacaqlar.
Respublikaçılar keçən həftə əsasən Ukrayna və İsrailə 106 milyard dollarlıq təcili yardımın qarşısını kəsiblər. Bu, Demokrat konqresmenlərin respublikaçıların israrla tələb etdiyi immiqrasiya qanunlarını sərtləşdirməkdən imtina etməsindən sonra baş verib. -0-
Dünyada
-
Türkiyənin xarici işlər naziri Hakan Fidan və Suriyanın yeni administrasiyasının rəhbəri Əhməd Əl-Şara Dəməşqdə keçirilən danışıqlardan sonra birgə mətbuat konfransında Suriyada "yeni dövr" elan etdilər. Fidan Suriyanın ən qaranlıq günlərinin geridə qaldığını vurğuladı və inklüzivlik və suriyalıların qətiyyəti üzərində qurulmuş parlaq bir gələcək vəd etdi.
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
Rəy yaz