Vitse-qubernator Baydeni Texas Silahlı Qüvvələri ilə hədələyib

Texas ştatının vitse-qubernatoru, respublikaçı Den Patrik bildirib ki, ABŞ prezidenti Co Baydenin administrasiyası Milli Qvardiyanın üzvləri və ya digər ştatın təhlükəsizlik qüvvələri ilə qarşıdurmaya girərsə, səhv edəcək.

"Bayden administrasiyasının edə biləcəyi ən böyük səhv, Amerika xalqının istədiyi işi görəndə sərhəddə, bu parkda hüquq-mühafizə orqanları, ordumuz, Milli Qvardiyamızla toqquşmaqdır" deyə “Newsweek” ondan sitat gətirir.

Nəşrin məlumatına görə, federal və ştat departamentləri arasında mümkün qarşıdurma ilə bağlı narahatlıqlar Ali Məhkəmənin ABŞ-Meksika sərhədində canlı tikanlı məftilləri “qəddar və qeyri-insani” tədbir hesab edən qərarından sonra yaranıb. Federal sərhədçilər Texas qubernatoru Qreq Ebbotun təşəbbüsü ilə quraşdırılan naqilin kəsilməsi üçün icazə alıblar.

"Əgər onlar daxil olub [bu] vəziyyəti yaratsalar, bütün Amerika görəcək ki, demokratlar ştata qarşı durmağa hazırdır. O, xalqımızı qorumaq üçün konstitusiya hüququ ilə hərəkət edir" deyib Patrik.

Texas silahlı qüvvələri 1823-cü ildə yaradılıb. Bunlara Milli Qvardiya, HHQ Milli Qvardiyası, Texas Yaraqlıları və ordunun digər qolları daxildir. Kadr ehtiyatlarının sayı 23,2 min nəfərdir. Baş komandan ştatın qubernatoru Qreq Abbottdur. Texasın 2023-cü il üçün hərbi büdcəsi 1.851 milyard dollar idi.

ABŞ-ın bütün ştatlarının öz hərbiləşdirilmiş və təhlükəsizlik qüvvələri var, onlar əsasən daxili təhlükəsizliyin təmin edilməsində iştirak edirlər. Söhbət əksər hallarda ölkənin Silahlı Qüvvələrinin ehtiyatı olan Milli Qvardiyadan gedir.

Məhkəmənin qərarından sonra Abbott da öz növbəsində X sosial şəbəkəsində (keçmiş Twitter) yazıb: "Biz qeyri-qanuni immiqrasiyanı dəf etmək üçün bu tikanlı məftillərdən istifadə etməyə davam edirik". O, həmçinin Baydenin immiqrasiya siyasətini "ehtiyatsız" adlandırıb və tikanlı məftilin "sərhəddən qeyri-qanuni keçidlərə qarşı təsirli bir maneə olduğunu" söyləyib.

“Newsweek” yazır ki, ABŞ prezidentinin administrasiyası Abbottun miqrantlara qarşı tətbiq etdiyi taktikanı qəddar və qeyri-insani adlandırıb. Onlar həmçinin qeyd ediblər ki, buna görə federal hakimiyyət orqanlarının sərhəddəki “əsas ərazilərə” çıxışı yoxdur.