pressunity.org
Bakı/29.07.21/Turan: İyulun 28-də Aşqabadda Türkmənistan və Azərbaycan hökumətləri arasında Xəzərdəki “Dostluq” yatağının karbohidrogen ehtiyatlarının birgə işlənməsinə dair memorandumun həyata keçirilməsi üzrə Türkmənistan-Azərbaycan birgə işçi qrupunun iclası keçirilib, bu barədə çərşənbə günü Türkmənistan televiziyası məlumat verib.
“Türkmənistan və Azərbaycan hökumətləri arasında Xəzər dənizində "Dostluq" yatağının karbohidrogen ehtiyatlarının birgə kəşfiyyatı, işlənməsi və mənimsənilməsinə dair qarşılıqlı anlaşma memorandumunun həyata keçirilməsi məsələləri müzakirə edilib”, - deyə məlumatda bildirilib.
“Dostluq” yatağına dair Memorandum bu il yanvarın 21-də Aşqabadda iki dövlətin xarici işlər nazirləri tərəfindən imzalanıb, sənədin üçüncü maddəsinə əsasən, tərəflər müvafiq Türkmənistan-Azərbaycan hökumətlərarası saziş hazırlayır.
"Bu sənədin əsas məqsədi yatağın karbohidrogen ehtiyatlarının birgə istifadəsidir", - deyə Türkimənistan televiziyasının məlumatında deyilir.
Həmçinin qeyd olunur ki, daha əvvəl bu layihənin həyata keçirilməsi üçün “Lukoil” şirkətinin podratçı və investor kimi cəlb edilməsi barədə razılıq əldə olunub.
"Dostluq" Türkmənistanda "Sərdar", Azərbaycanda "Kəpəz" kimi tanınan yatağın yeni adıdır.
Xəzərin Türkmənistan-Azərbaycan sərhəddində yerləşən bu yataqla bağlı mübahisə SSRİ-nin dağılmasından sonra davam edirdi və birgə işlənmə haqqında razılaşma ilə başa çatdı.
Yatağın ehtiyatlarının 50-60 milyon ton neft olduğu təxmin edilir.
Yataq 1986-cı ildə Azərbaycan neftçiləri tərəfindən kəşf edilib.—0—
Enerji
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
-
Hazırda Azərbaycanın daxili bazarı hələ də Euro-2 standartına uyğun dizel yanacağı ilə təchiz olunur, bu barədə neft və neft məhsulları bazarının təhlilində ixtisaslaşmış beynəlxalq agentlik "Argus"un oktyabr hesabatında qeyd olunur. Diqqətəlayiqdir ki, iyunun əvvəlində Bakı Neft Həftəsi sərgisində Azərbaycan Dövlət Neft Şirkəti (SOCAR) 2023-cü ildə Euro-5 keyfiyyətli dizel yanacağı istehsalına başladığını nümayiş etdirmişdi. Lakin sonradan məlum oldu ki, bu keyfiyyətdə olan neft məhsulu ixrac olunur və daxili bazara təchizat daha sonra başlayacaq.
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
Rəy yaz