JOCAP.
Bakı/11.10.22/Turan: JOCAP (Absheron Petroleum B. V. Birgə Əməliyyat Şirkəti) "Abşeron" İHS modullarının dənizdə quraşdırılmasını başa çatdırdığını bildirdi. Gələcək Abşeron platformasının üç modulu quruda BOS Şelf şirkətinin istehsalat sahəsində istehsal edilmiş, buradan “Azərbaycan” kran gəmisinin vasitəsi ilə daşıma barjalarına yüklənmişdir. 17 sentyabrda üç modul dənizdə dayaq blokunda müvəffəqiyyətlə quraşdırılmışdır. Onlar buradan Azneft İB-nin Neft Daşlarındakı mövcud qurğularına birləşdiriləcəkdir.
“Quruda modulların istehsalının tamamlanması və onların dənizdə quraşdırılması Abşeron İHS layihəsinin işlənməsinin mühüm mərhələləridir,” JOCAP şirkətinin İcraçı direktoru Lionel Tomas demişdir. “Bu mərhələnin müvəffəqiyyətlə tamamlanmasında iştirak etmiş bütün heyətə təşəkkürümü bildirmək istərdim. Bu andan etibarən, JOCAP, Abşeron yatağından ilk qazın qrafik çərçivəsində təhlükəsiz hasil edilməsi üçün dənizdəki əsas əməliyyatları diqqət mərkəzində saxlayacaqdır.”
JOCAP (Joint Operating Company of Absheron Petroleum B.V.) Abşeron dəniz blokunun işlənməsi və həmin blokdan hasilat məqsədi ilə partnyorlar, SOCAR Abşeron 50% və TotalEnergies EP Abşeron B.V. 50% şirkətlərinin təsis etdikləri və bərabər sahib olduqları qeyrikommersiya növ Birgə Əməliyyat Şirkətidir. Abşeron bloku Xəzər dənizinin Azərbaycan sektorunda, dənizin 500 metr dərinliyində Bakıdan 100 km cənub-şərqdə, Şahdəniz yatağından 25km şimal-şərqdə və Neft Daşlarının hasilat və emal qurğularından 33km cənubda yerləşir. JOCAP Əməliyyat Şirkətinin operator olduğu Abşeron İHS layihəsi SOCAR tərəfindən idarə olunan Neft Daşlarının qurğularına qoşulmuş bir quyudan (ABD-001) ibarətdir.--0--
Enerji
-
Qazaxıstanın “Kazmunaigas” (KMG) dövlət şirkəti “Kaşaqan” yatağından hasil edilən neftin ilk partiyasını Bakı-Tbilisi-Ceyhan (BTC) neft kəməri ilə ixrac üçün Bakıya göndərib. Bu barədə şirkətin mətbuat xidməti məlumat yayıb.
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
Rəy yaz