minenergy.gov.az
Bakı/13.11.17/Turan: "Azərbaycan-ABŞ münasibətlərində enerji məsələləri əhəmiyyətli yer tutur. Qqlobal enerji təhlükəsizliyinin təminatına yönələn layihələrlə Azərbaycan ABŞ-ın diqqətindədir".
ABŞ-ın Azərbaycandakı səfiri Robert Cekuta energetika naziri Pərviz Şahbazovla görüşündə belə deyib. Bu haqda nazirliyin məlumatında bildirilir.
Energetika Nazirliyində keçirilən görüşdə Pərviz Şahbazov bildirib ki, iki ölkə arasındakı diplomatik münasibətlər enerji sahəsində əməkdaşlıq əlaqələrinə böyük töhfə verir. Nazir Azərbaycanın karbohidrogen resurslarının dünya bazarına çıxarılmasında ABŞ-ın rolunun hər zaman yüksək olduğunu qeyd edib.
"ABŞ vaxtilə Bakı-Tbilisi-Ceyhan layihəsinin icrasında göstərdiyi güclü dəstəyi bu gün "Cənub Qaz Dəhlizi", eləcə də onun mühüm bir seqmenti olan Trans-Adriatik boru kəməri layihələrində (TAP) davam etdirir. Avropada enerji təchizatının diversifikasiyasını təmin edəcək "Cənub Qaz Dəhlizi" layihəsi üzrə işlər hazırda uğurla həyata keçirilir".
Nazir həmçinin gələcəkdə bərpa olunan enerji mənbələri və enerji səmərəliliyi üzrə də böyük əməkdaşlıq potensialının olduğunu deyib. Bildirib ki, bu istiqamətdə həyata keçirilən tədbirlərdə, yeni texnologiyaların tətbiqində ABŞ-ın təcrübəsindən faydalanmaq olar.
R. Cekuta qlobal enerji təhlükəsizliyinin təminatına yönələn layihələrlə Azərbaycanın ABŞ-ın diqqətində olduğunu vurğulayıb. "Cənub Qaz Dəhlizi"nin strateji əhəmiyyətindən bəhs edən səfir layihənin Balkan regionunun qaz təminatında da geniş imkanlar yaradacağını qeyd edib.
O, "Azəri", "Çıraq" yataqlarının və "Günəşli" yatağının dərinlikdə yerləşən hissəsinin birgə işlənməsi və neft hasilatının pay bölgüsü ilə bağlı düzəliş edilmiş və yenidən tərtib olunmuş sazişlə ölkəsinin Azərbaycanın uzunmüddətli tərəfdaşı kimi qalacağını bildirib.
"ABŞ yalnız Azərbaycanın maraqlarına cavab verən layihələrdə iştirak edərək, əməkdaşlıqda maraqlıdır, - səfir qeyd edib.
Görüşdə OPEC-ə üzv və qeyri-üzv dövlətlərin növbəti Vyana görüşü, neft bazarının inkişaf tendensiyaları kimi məsələlərin də müzakirə edildiyi bildirilir.-0-
Enerji
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
-
Beynəlxalq Enerji Agentliyi (IEA) Cümə axşamı günü 2023-cü ilin dörddə bir əsrdə dünyanın ən sürətli bərpa olunan enerji sektorunun genişləndiyini elan etdi.
-
2023-cü ilin yanvar-noyabr aylarında Azərbaycandan elan edilmiş neftin ixracı 24 milyon 199 min 455,59 ton (nomenklatura Kodu 2709) təşkil edib ki, bu da 2022-ci ilin 11 ayı ilə müqayisədə 0,5% aşağıdır. İxrac olunan neftin ümumi dəyəri 15 milyard 99 milyon 942,85 min dollar (17,6% azalma) təşkil edib. 2023-cü ilin yanvar-noyabr aylarında ümumi ixrac strukturunda neftin payı 47,92% (2022-ci ilin yanvar-noyabr aylarında 50,42%) təşkil edib.
-
2023-cü ilin yanvar-oktyabr aylarında Avropa İttifaqı (Aİ) ölkələri Azərbaycandan 305,7 min ton neft məhsulları idxal edib ki, bu da ötən ilin eyni dövrü ilə müqayisədə 19,4 dəfə çoxdur. Pul baxımından neft məhsullarının idxalı 185,3 milyon avro (artım 14,1 dəfə) qiymətləndirilir.
Rəy yaz