SOCAR AQŞ Qazaxıstanın kəşfiyyat və hasilat şirkəti olan Eureka Oleum üçün kompleks qazma layihəsini təhlükəsiz və səmərəli şəkildə başa çatdırıb.
Layihə çərçivəsində SOCAR AQŞ Eureka Oleum şirkətinə aid üç neft yatağında qazma nəzarəti xidmətləri göstərmişdir. Xidmətlərə dərinliyi 3176, 3222 və 3600 metr olan istiqamətli neft quyularının qazılmasına nəzarət daxil idi. SOCAR AQŞ sifarişçiyə əməliyyatlara müntəzəm nəzarətdə, həmçinin SƏTƏM, quyuya nəzarət, mürrəkkəb geofiziki ölçü avadanlıqlarından istifadə etməklə məlumatların toplanması, kern nümunəsinin götürülməsi, yan lülələrin qazılması və digər quyudibi mürəkkəbləşmələr zamanı dəstək göstərmişdir.
“SOCAR AQŞ qazma və quyulara texniki xidmət göstərilməsi sahəsində böyük təcrübəyə, eləcə də quruda və dənizdə mürəkkəb yataqlarda qazma əməliyyatları üçün bilik və texniki imkanlara malikdir. Hazırkı beynəlxalq inkişaf hədəflərimizin bir hissəsi olaraq, Eureka Oleum ilə olan bu layihə bizim təcrübəmizi bölüşmək üçün daha bir fürsət oldu.
Layihə zamanı insanların təhlükəsizliyi bizim əsas prioritetimiz idi və biz çox şadıq ki, işlər təhlükəsizlik tələblərinə tam uyğun aparılıb,” SOCAR AQŞ-nin Baş direktoru Samir Mollayev bildirib.
Qeyd edək ki, SOCAR AQŞ Qazaxıstan Respublikasında ilk qazma layihəsinin idarə edilməsini öz üzərinə 2020-ci ildə götürmüş və uğurla başa çatdırmışdır. Müqavilə Eureka Oleum yataqlarından birində 3100 metr dərinlikdə istiqamətləndirilmiş neft quyusunun qazılmasına nəzarəti daxil edirdi. 2021-ci ildə SOCAR AQŞ dərinliyi 3309 və 3241 metr olan daha iki neft quyusunun idarə edilməsini davam etdirib.
SOCAR AQŞ 2007-ci ildə Azərbaycan Respublikası Dövlət Neft Şirkəti (SOCAR), Nobel Energy və Abşeron Qazma Şirkəti tərəfindən yaradılmış kompleks qazma və quyu xidmətləri şirkətidir.
Qabaqcıl qazma texnologiyalarını təmin edən və yeni idarəetmə üsullarını tətbiq edən SOCAR AQŞ quyuların qazılması sahəsində uzun illər fəaliyyət təcrübəsinə malikdir.
SOCAR AQŞ ölkənin qazma sənayesində innovativ yanaşmalar tətbiq edən lider şirkət olub, təhlükəsiz və etibarlı həllər təqdim edən uğurlu fəaliyyət təcrübəsinə malikdir.
SOCAR AQŞ 2009-cu ildən Qazma Podratçılarının Beynəlxalq Assosiasiyasının (IADC) üzvüdür və bütün müvafiq beynəlxalq standartlara tam uyğun fəaliyyət göstərir. ®
Enerji
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
-
Hazırda Azərbaycanın daxili bazarı hələ də Euro-2 standartına uyğun dizel yanacağı ilə təchiz olunur, bu barədə neft və neft məhsulları bazarının təhlilində ixtisaslaşmış beynəlxalq agentlik "Argus"un oktyabr hesabatında qeyd olunur. Diqqətəlayiqdir ki, iyunun əvvəlində Bakı Neft Həftəsi sərgisində Azərbaycan Dövlət Neft Şirkəti (SOCAR) 2023-cü ildə Euro-5 keyfiyyətli dizel yanacağı istehsalına başladığını nümayiş etdirmişdi. Lakin sonradan məlum oldu ki, bu keyfiyyətdə olan neft məhsulu ixrac olunur və daxili bazara təchizat daha sonra başlayacaq.
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
-
Beynəlxalq Enerji Agentliyi (IEA) Cümə axşamı günü 2023-cü ilin dörddə bir əsrdə dünyanın ən sürətli bərpa olunan enerji sektorunun genişləndiyini elan etdi.
Rəy yaz