![1-ci mikrorayonda 30-35 mərtəbili binalar tikiləcək](https://turan.az/resized/media/2017/main/031500185745-750-500-resize.webp)
1-ci mikrorayonda 30-35 mərtəbili binalar tikiləcək
“1-ci mikrorayonun yenidən qurulması ilə bağlı qərara əsasən, köhnə 5 və 9 mərtəbəli yaşayış binaları söküləcək, onların yerində yeni yaşayış binaları inşa ediləcək. Bu layihə pilotdur. Layihə özünü doğruldarsa, digər mikrorayonlarda yenidən qurtulacaq”.
Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin rəis müavini Elxan Əsədov martın 15-də 1-ci mikrorayonun yenidən qurulması qərarı ilə bağlı keçirdiyi mətbuat konfransında belə deyib.
Onun bildirdiyinə görə, ilkin mərhələdə köhnə binalarda yaşayanların köçürülməsi planlaşdırılır. Yeni mənzillər hazır olanadək onlar kirayədə yerləşdiriləcəklər, onların kirayə xərcləri dövlət tərəfindən qarşılanacaq. Kirayə haqlarının ödənilməsi zamanı bazar qiymətləri əsas götürüləcək.
“Sakinlərə veriləcək yeni mənzillərin sahəsi köhnədəkindən 10 faiz artıq olacaq. Ola bilər ki, kimlərsə, yeni binalardan ev və obyekt istəməsinlər, belə olan halda onlara köhnə mənzillərini bazar qiymətinə satmaları üçün imkan yaradılacaq”, o, deyib.
Tikinti işləri ümumilikdə 29 hektar ərazini əhatə edəcək. E.Əsədov bildirib ki, hazırkı durumda həmin ərazidə 29 beşmərtəbəli, 4 doqquzmərtəbəli, 1 ədədsə 16 mərtəbəli bina var.
Ərazidə yeni inşa edilən 6 ədəd 10, 12 və 17 mərtəbəli yaşayış binaları da var. Həmin binalara toxunulmayacaq. Ancaq həmin binalar yeni yaşayış kompleksinə uyğun formada təmir ediləcək.
E.Əsədovun sözlərinə görə, yenidənqurmadan ümumilkdə 1729 ailə təsirlənəcək.
“Tikinti işləri 3 mərhələdə həyata keçiriləcək. 2017-ci ildə start veriləcək ilk mərhələdə bir və ya bir necə 5 mərtəbəli bina söküləcək, paralel olaraq yeni tikintinin hazırlıqları aparılacaq. İlkin mərhələdə sökülən binaların yerində 20 mərtəbəli binaların tikilməsi nəzərdə tutulur. Bunun ardınca inşa ediləcək binalar isə 30 və 35 mərtəbəli olacaq”.
E.Əsədov onu da qeyd edib ki, tikinti işlərini aparacaq şirkətlərin seçilməsi müsabiqə yolu ilə həyata keçiriləcək, qanunvericiliyə müvafiq olaraq tenderlər təşkil olunacaq.
Xatırladaq ki, Nazirlər Kabineti martın 10-da 1-ci mikrorayonun yenidən qurulması ilə bağlı qərar qəbul edib.
Qərar sözügedən mikrorayondakı “Xruşşovka”ların sakinlərin mənzil şəraitinin yaxşılaşdırılması və təhlükəsizliyinin təmin edilməsi əsası ilə sökülməsini nəzərdə tutur.
Mikrorayondakı yenidənqurma işləri üzrə sifarişçi funksiyası Fövqəladə Hallar Nazirliyinə (FHN) həvalə edilib.
Qərara əsasən, FHN 15 günə müfəssəl plan, onun əsasında yerinə yetiriləcək işlərin texniki-iqtisadi əsaslandırmasını əks etdirən layihə hazırlamalıdır. Həmin sənəd dövlət şəhərsalma, əmlak məsələləri dövlət komitələri və Bakı Şəhər İcra Hakimiyyəti ilə razılaşdırılmalıdır.
Aparılacaq tikinti işlərinə özəl şirkətlərin və kredit vəsaitlərinin cəlb edilməsi qərarda nəzərdə tutulur.
-
- Cəmiyyət
- 15 Mart 2017 18:08
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz