![№10 özül vaxtından əvvəl bərpa ediləcək – «Azneft» rəhbərliyi](https://turan.az/resized/./turan-750-500-resize.webp)
№10 özül vaxtından əvvəl bərpa ediləcək – «Azneft» rəhbərliyi
"Günəşli"dəki №10 özüldəki qəzanın fəsadlarının aradan qaldırılması üzrə işlər sürətləndirilib, deyə SOCAR məlumat verir.
Cümə günü “Azneft" İstehsalat Birliyinin direktoru Daşqın İskəndərovun rəhbərlik etdiyi işçi heyəti "28 May" NQÇİ-nin dərin dəniz özüllərində səyyar müşavirələr keçirib.
Bildirilib ki, özüldə işlər sürətlə davam etdirilir, sahildə yığılmış 2 ədəd modulun və HAK tipli 2 ədəd qaldırıcı kranın yaxın vaxtlarda quraşdırılması, özülün bütün sahələri üzrə cizgilərinin tamamlanması nəzərdə tutulur. Aparılan təmir-bərpa işlərinin vaxtında və keyfiyyətlə başa çatdırılmasının vacibliyi vurğulanıb, konkret tapşırıq və tövsiyələr verilib.
“Azneft" rəhbərliyi yataqdakı 3 saylı dərin dəniz özülündə yeni quraşdırılmış neftvurma nasoslarının texniki vəziyyətinə baxış keçirib. Özüldə həyata keçiriləcək əsaslı və təmir işlərinin sürətləndirilməsinin vacibliyi vurğulanıb, quyu şaxtalarının yenilənməsi üçün layihə tapşırığının hazırlanması və ən qısa zamanda təmir işlərinin aparılmısına dair göstərişlər verilib, görülən işlərlə bağlı bir sıra texniki tədbirlər, əsaslı tikinti və təmir məsələləri müzakirə edilib.
Məlumat veriliyi kimi "Günəşli" yatağındakı №10 özüldə 4 dekabr 2015-ci ildə qəza baş vermişdi.
SOCAR 2016-cı ilin sonuna kimi təmiri başa çatdırıb №10 özüldəki quyuları istismara verməyi planlaşdırır.
Özüldən sutkalıq hasilat 1,3 mln kubmetr qaz və 1 min ton neft olub. –12D--
-
- İqtisadiyyat
- 23 May 2016 11:51
-
- Cəmiyyət
- 23 May 2016 12:01
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz