100 min daşınmaz əmlak obyektinə mülkiyyət hüququ qeydiyyata alınıb

Bu ilin 7 ayında Azərbaycanda 97 687 daşınmaz əmlak obyektinə mülkiyyət hüququ qeydiyyata alınıb. Ötən ilin eyni dövrü ilə müqayisədə daşınmaz əmlak bazarında aktivlik 16,9% artıb.

Dövlət Əmlak Komitəsinin məlumatına görə, yanvar-iyulda mülkiyyətçilər 27 312 yeni daşınmaz əmlak obyektinə sənəd alıb. Dövlət Reyestrində daşınmaz əmlakın ilkin qeydiyyatı 14,8% artıb.

Təkrar bazarda daşınmaz əmlakın alqı-satqısı üzrə 70 375 əqd (+17,7%) bağlanıb. İlkin bazardan fərqli olaraq, mülkiyyət hüququnu elektron rejimdə və “ASAN Xidmət”in köməyi ilə qeydiyyata almaq olar. 

Daşınmaz əmlak əməliyyatlarının 40%-i torpaq sahələrinin payına düşür. Ötən ilin eyni dövrü ilə müqayisədə torpaq bazarında investorların aktivliyi 21,2% artıb. Torpaq sahəsi üzrə 38 672 əqdin 5 271-i Bakının payına düşür. 

İlin əvvəlindən çoxmənzilli binalarda 33 371  (+9,8%) mənzil əməliyyatı olub. Daha 21 min əməliyyat (+21%) fərdi və bağ evləri ilə olub. 

Bu il qeyri-yaşayış bazarı (2 420) daha aktiv olub. Orda artım 30,1%-dir. 

Çoxmərtəbəli binaların qeydiyyatı da aktivləşibb. Yanvar-iyulda Bakıda 4, regionlarda 19 belə obyekt qeydiyyata alınıb.  

Bu ilin 7 ayında daşınmaz əmlakla 23 min ipoteka əməliyyatı olub. Bu, 2012-ci ilin eyni dövründəkindən 24,8% çoxdur. 08D