11 ayda icbari sığorta mükafatları bütün sığorta bazarının ötən ilki səviyyəsinə çatıb

Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) yarım il ərzində mükafatlar üzrə liderdir – bu növ üzrə 68 mln 585,85 min manat yığılıb. Bu, KTS-dən 16,3 mln və avtomobillərin КАСКО sığortasından bir qədər çoxdur. Yanvar-sentyabrda fərq 5,8 mln idi. Avtoinspeksiya və sığorta agentlərinin aktivliyi fonunda bu proses ilin əvvəlində proqnozlaşdırılırdı. 

 Ümumilikdə sığorta bazarının həcmi yanvar-noyabrda 312 mln 968,99 min manat olub. İl ərzində artım (1 dekabr 2011-ci il üçün 193,8 mln manat) 38,1% təşkil edib. Adambaşına mükafat həcmi 33,3 manatdır ($42,5). 

 Ötən illər mükafat artımı nəqliyyat vasitələrinin sığortası və KTS heabına olurdusa, bu il AVSMMİS və həyat sığortası onları keçir. Belə ki, KTS üzrə 52,26 mln manat, avtomobillərin КАСКО sığortası üzrə 52,16 mln manat (son rübdə ikincidir) yığılıb. 

 İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta 20,8 mln manat, ümumi və qarışıq həyat sığortası 13,82 mln manat gətirib. Deyilən növlər mükafatların 70%-i təmin edib. 

 Sığorta haqlarının əsas hissəsi könüllü növlərin payına düşüb – 193,3 mln manat. Bu, ötən ilin eyni dövründə bazarın ümumi göstəricisi qədərdir. Beləliklə, bədbəxt hadisə və xəstəliklərdən sığorta üzrə 9,41 mln manat, hava nəqliyyatının sığortası üzrə 5,88 mln manat (yarım ildə cəmi 212 min idi) yığılıb. Hava nəqliyyatı vasitələri sahiblərinin mülki məsuliyyətinin sığortası üzrə 1,94 mln manat (1 iyulla müqayisədə 100 dəfə artım), yük sığortası üzrə 14,8 mln manat, su nəqliyyatının sığortası üzrə 922,3 min manat toplanıb. 

Avtonəqliyyat vasitələri sahiblərinin mülki məsuliyyətinin sığortası üzrə 2,02 mln manat, əmlakın yanğından və başqa risklərdən sığortası üzrə 32,74 mln manat, könüllü sığortanın başqa növləri üzrə 486,66 min manat (böyük hissəsi əməkdaşların dələduzluğundan sığorta üzrədir) əldə edilib. 

Xaricə səyahət sığortası üzrə 1,5 mln manat, kənd təsərrüfatı bitkilərinin sığortası üzrə 305,62, ev heyvanlarının sığortası üzrə 212,94 min manat mədaxil olub. Ümumi mülki məsuliyyətin sığortası üzrə 3,27 mln manat, işə götürənlərin məsuliyyətinin sığortası üzrə 1,08 mln manat, peşə məsuliyyətinin sığortası  üzrə 270,54 min manat toplanıb. 

 İcbari növlər üzrə 119,64 mln manat yığılıb, bu, ötən ilin eyni dövrü ilə müqayisədə 2,7 dəfə çoxdur. Hərbçilərin icbari sığortası üzrə 15,19 mln manat, məhkəmə və hüquq-mühafizə orqanları əməkdaşlarının icbari sığortası üzrə 4,44 mln manat toplanıb. 

 Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 68,59 mln manat, əmlakın icbari sığortası üzrə 10,17 mln manat, əmlakın istismarı zamanı mülki məsuliyyətin icbari sığortası üzrə 265,12 min manat, sərnişinlərin icbari sığortası 122,41 min manat sığorta haqqı yığılıb. --17D—