11 ildən sonra ВР «Şahdəniz-3» layihəsinə başlayacaq

ВР-Azerbaijan şirkəti artıq altıncə nəsil yeni qazma qurğusu ilə maraqlanır. Onun gələn ilin II rübündə istismara verəcəklər. Bu barədə Turan-a SOCAR-da məlumat veriblər.

Amma BP-nin bu qurğuya marağı cari layihələrlə bağlı deyil, deyə SOCAR-da bildiriblər.

Dənizin 1000 metr dərinliyində yüksək təzyiq altında 9 min metr dərinliyində quyu qaz bilən qurğudan, yəqin ki, “Abşeron” (operator - Total), “Şəfəq/Asiman” (operator - ВР), “Babək” (tender elan edilsə də, qalib müəyyən edilməyib) və s strukturlarda axtarış qazma işləri üçün istifadə ediləcək.

BP 2027-ci il üçün bu qazma qurğusundan “Şahdəniz-3” layihəsində istifadə etmək istəyir.

Bu layihə çərçivəsində hasilat 2031-2032-ci illərdə başlayacaq.

Bu layihə “Şahdəniz” müqaviləsi iştirakçılarına 2 məqsəd üçün lazımdır: əvvəla, “Şahdəniz-2” (2045-ci ildə bitir) layihəsi dövründə istehlakçılara sabit qaz təmin etmək, ikincisi, qalan qaz ehtiyatlarının (600 mlrd) çıxarılması.

Bunun üçün BP və tərəfdaşları “Şahdəniz-3” çərçivəsində bu qazma qurğusunu modernləşdirməlidir, çünki yeni quyular daha mürəkkəb geoloji şəraitdə qazılacaq.

* Nəhəng “Şahdəniz” yatağı (dənizin 550 metr dərinliyində) 1999-cu ildə kəşf edilib. Onun işlənməsinə 2006-cı ildə başlanılıb və indiyəcən 72 mlrd kubmetr qaz və 16 mln ton kondensat çıxarılıb. Hazırda hasilat 10 mlrd kubmetr qaz və 2,3 mln ton kondensat səviyyəsində sabitləşib.

 “Şahdəniz-1” layihəsinin ehtiyatları 200 mlrd kubmetr, “Şahdəniz-2” layihəsinin ehtiyatları 400 mlrd kubmetr qiymətləndirilir. Ən iri qaz layları “Şahdəniz-3” layihəsi (600 mlrd kubmetr) çərçivəsində gözlənilir. –12В--