Sumqayıt Kimya Sənaye Parkında pestisidlərin – bitkilərin mühafizəsi üçün vasitələrin istehsalı üzrə müəssisə inşa ediləcək. İqtisadiyyat Nazirliyinin mətbuat xidmətindən Turan-a bildirilib ki, "Aqrokimya Azərbaycan" MMC zavodun inşası üçün 18 ha ərazi ayırıb. Müəssisədə ildə 57 min ton maye halında və 13 min ton toz halında pestisid istehsal ediləcək. Zavodun 2017-ci ilin ikinci yarısında fəaliyyətə başlaması gözlənilir.
Burada istehsal olunacaq məhsullar daxili bazarın tələbatını ödəməklə yanaşı, xarici ölkələrə də ixrac ediləcək.
Müasir avadanlıqlar və texnologiyalarla təchiz ediləcək zavodda 100-dən artıq insanın işlə təmin olunması nəzərdə tutulur.
Planlaşdırılan investisiyanın həcmi açıqlanmır.
"Aqrokimya Azərbaycan" MMC 2016-cı ilin aprelində təsis edilib. Şirkətin ofisi Gilan Holding Capital Towers mərkəzində yerləşir. Şirkət, çox güman ki, “Gilan Holding” şirkətlər qrupu tərəfindən təsis edilib.
“Aqrokimya Azərbaycan” MMC Sumqayıt Kimya Sənaye Parkının sayca 8-ci rezidentidir.08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz