Vergilər Nazirliyi bu ilin yanvarında dövlət qeydiyyatına alınan kommersiya strukturları barədə məlumatların açıqlanmasını başa çatdırıb. Turan Agentliyinin analizi göstərir ki, yeni şirkətlərin dörddə birinin direktoru cəmi 7 adamdır.
Turan-ın hesablamasına görə, yanvarda 487 şirkət, o cümlədən xarici şirkətlərin bir neçə filial və nümayəndəlik dövlət qeydiyyatına alınıb. Agentlik bir neçə amilə istinad edərək (ünvan oxşarlığı, nizamnamə kapitalının azlığı, qanunu təmsilçinin eyni olması və s) hesab edir ki, bunların ən azı 188-i (38,6%) saxtadır.
Yanvarın 19 iş günü ərzində 32 şirkətin direktoru səlahiyyəti Aydın Əhməd oğlu Yarməmmədovun üzərinə qoyulub. Elxan Əbdulqəni oğlu Vahidovun direktoru təyin edildiyi şirkətlərin sayı bundan bir rəqəm azdır. Dadaş Nəzər oğlu Mehdiyev 19 şirkətə, Zaur Böyükkişi oğlu Nağıyev 15 şirkətə rəhbərlik edəcək. Onların ardınca Maarif Vaqif oğlu Həmidov (10), Ceyhun Vaqif oğlu Hüseynov (7) və Rəşadət Ədalət oğlu Məmmədov (5) gəlir. Fevralda bənzər şirkətlərin “klonlaşdırılması” davam edib.
Bu saxta şirkətlərin qeydiyyat yeri kimi Yardımlı, Quba, Hacıqabul, Lənkəran və digər rayonların kəndləri seçilib. Bu şirkətlərin təsisçilərinin adları açıqlanmır. 2012-ci ilin yayından bu məlumatlar məxfi hesab olunur.
Qeyd edək ki, bu şirkətlərdən, adətən, şübhəli dövlət satınalmalarında istifadə olunur. Turan İA dəfələrlə bu mövzuda yazaraq qeyd edirdi ki, bu satınalmalar birgünlük şirkətlər cəlb edilməklə dövlət büdcəsinin vəsaitlərinin mənimsənilməsi məqsədi daşıyır. Ancaq hüquq mühafizə orqanları hələlik susur. 08B
-
- Siyasət
- 28 Aprel 2015 12:04
-
- İqtisadiyyat
- 28 Aprel 2015 12:19
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz