20 mindən çox "xalq" kömpüteri satılıb

“Xalq kompyuteri” layihəsi çərçivəsində 20 mininci HP kompüterinin sahibi Babək rayonundan Ruslan Cəfərov olub. Bununla əlaqədar Best Comp Group ona tam komplektdə zəruri avadanlıq verib. Bundan başqa, ondan əvvəl və sonra noutbuk alan Sabunçu rayonu və Kəlbəcərdən olan müəllimlər də hədiyyə əldə ediblər. Best Comp Group baş meneceri Rauf Həsənovun sözlərinə görə, “Xalq kompüteri” layihəsi çərçivəsində satılan kompüter sayı 20,1 minə yaxınlaşır. Kompüterlərin 16 faizi Bakıda, qalanları isə ölkənin digər regionlarında olan istifadəçilər tərəfindən alınıb. Satılan kompüterlərin 80%-dən çoxu noutbukdur. 

“Xalq kompüteri” layihəsinin təklif paketinə НР şirkətinin məhsulları daxildir. İstifadəçilər layihənin saytına daxil olub (http://xalqkomp.az/Models.html) istənilən məhsulu seçə bilərlər. Onların sırasında HP Mini 110-3863er və HP Mini 110-3864er; HP 3400 MT; Touchsmart 7320 AIO; ProBook, Pavilion G və Pavilion D var. Kompüter və noutbuklar bazar qiymətlərindən 25 faiz-dən 40-faizədək aşağı qiymətə, 12 ay müddətində faizsiz kreditlə verilir. 

Həsənovun sözlərinə görə, ölkə banklarının kredit dərəcəsinə dolayı təsir edib. Aksiyanın əvvəlində (aprel 2009) orta dərəcə 36% idi, indi 28, hətta 24%-ə düşüb. 

Layihəni Microsoft və HP təqdim edir, tədarüklə HP-nin tərəfdaşı BestComp Group məşğul olur.  

Azercell və Azerfon şirkətləri də layihədə iştirak edir. Kompüterlərin çatdırılması və aylıq ödəniş qəbulu ilə Azərpoçt məşğul olur. Layihə çərçivəsində kompüterlər lisenziyalı prqoram təminatı ilə təchiz edilir. 

2011-ci ildə "Doktor Veb" antivirus təchizatçısı da layihəyə qoşulub. BestComp Group 15 min Dr.Web antivirus lisenziyası alaraq paylayıb. 

Bu gün «orta məktəb müəllim və şagirdləri, ali məktəb müəllimləri və tələbələri, tibb işçiləri dövlət qulluqçuları güzəştli şərtlərlə kompüter ala bilərlər. Əlavə məlumat üçün http://xalqkomp.az saytına baxmaq olar. --17D-