Seçki vasitədir, hədəf ölkədə demokratik dəyişikliklərə nail olmaqdır

Vətəndaş Hərəkatı-İctimai Palatanın (İP) Koordinasiya  Şurası (KŞ) qurumun 2013-cü il prezident seçkilərində iştirakı ilə bağlı qərarını açıqlayıb.  

İP 2013-cü il prezident seçkilərilə bağlı bu sənədə qədərki dövrdə artıq iki dəfə açıqlama ilə çıxış edib. Birinci açıqlamada qarşıdakı seçkilərlə bağlı “vahid namizəd” məsələsinin gündəmdə olmadığı deyilirdi. 

Daha sonra  “İP KŞ-nin Memorandumu” adlı sentyabrda qəbul edilən sənəddəki mövqelər açqılanır və bu mövqeyin qüvvədə qaldığı bir daha təsdiqlənir. İP seçki ittifaqı, seçki koalisiyası deyil. İnidki halda ölkənin demokratik qüvvələrinin (siyasi müxaliət, müstəqil media, vətəndaş cəmiyyəti xadimlərinin, mütərəqqi ziyalıların, gənclik hərəkatı liderlərinin,) demokratiya uğrunda birlik və təşkilatlanma modeli, köklü demokratik dəyişikliklərə, rejim dəyişikliyinə nail olmaq məqsədi daşıyan vətəndaş hərəkatıdır. Odur ki, İP- nin mövcudluğunu yalnız 2013-cü il seçkilərində iştirakın taktiki məsələləri, bu seçkilərdə hansı namizəd və ya namizədlərin iştirakı, onların müdafiəsi ilə əlaqələndirmək səhv və əsassızdır. 

Qurumda təmsil olunan şəxs və təşkilatlar öklədə köklü demokratik dəyişikliklərə və rejim dəyişikliyinə nail olana qədər İP-nin mövcudluğunu zəruri sayırlar. 

Sənəddə İP-nin öz qarşısına konkret siyasi hədəf kimi prezident seçkilərinə qədər növbədənkənar parlament seçkilərinin keçirilməsinə nail olmağı qoyduğu və bu mövqe indi də öz qüvvədə qaldığı bildrilir. Memorandum İP-in 2013-cü il seçkilərinə konseptual mövqeyini də əks edir: “İP 2013-cü il prezident seçkilərini indiki siyasi prosesin ən mühüm hadisələrindən biri sayır fəaliyyətində  bu hadisəni əsas hədəflərdən biri sayır. İP hesab edir ki, 2013- cü il seçkiləri ölkənin 

avtoritarizmdən demokratiyaya keçid məsələsində Azərbaycan üçün ən əlverişli şanslardan biridir. bu şansdan demokratikləşmə üçün maksimum istifadə olunmalıdır. 

Hazırda İP daxili və ictimai rəydə demokratik çevrənin namizədləri kimi Müsavat Partiyasının başqanı İsa Qəmbərin və AXCP sədri Əli Kərimlinin adlarının önə çıxması reallığı var. Amma üçüncü namizəd ideyası da arxa plana keçmir. İP hazırkı mərhələdə seçkilərdə namizəd kimi iştirak barədə bəyanları və qərarları təbii sayır. İP indiki mərhələdə bu mövqeləri “namizədliyə namizədlik” haqqında bəyan və qərarlar kimi qəbul olunmasını məqbul hesab edir. İP-in  seçkiyə qədərki 

ən son müddətə qədər bu məsələləri digər demokratik qüvvələr, ilk növbədə Ziyalılar Forumu ilə dəyərləndirməkdə davam edəcəyi qeyd olunur. 2013-cü il prezident seçkilərinə münasibətdə bugünkü mövqeyə dəyişikliklər edilməsi, son mövqeyin yalnız seçki ərəfəsində qəti şəkildə formalaşdırılması məqsədəuyğun sayılır. 

Qeyd edilir ki, İP indiki dövrdə seçki qanunvericiliyinin təkmilləşdirilməsi, demokratik seçki mühitinin formalaşdırılması, ölkənin demokratik qüvvələrinin ən geniş koalisiyasına nail olmağı özünün ən mühüm prioritet sayır. İP-nin seçki strategiyası və seçki platforması üzərində aparılan işin başa çatdırılması zəruri hesab edilir. 

İP KŞ Memorandumun qəbulundan ötən müddət ərzində yaranan yeni halları və 2013-cü il seçkilərinin İP qarşısına qoyduğu çağrıları dəyərləndirir.

KŞ 2013-cü il seçkilərilə bağlı 2012-ci il sentyabr tarixli memorandumda ifadə edilən əsas prinsip və müddəaların qüvvədə qaldığını bəyan edir. 

Yekin qərarın seçki ərəfəsində qəbul olunacağı deyilərək hazırda seçkidə İP-nin iştirak perspektivi əsas götürülərək, təxirə salınmadan seçki platformasının hazırlanması, seçki qərargahının yaradılması, və s. həyata keçirilməsinin sürətləndirilməsi əsas sayılır.  

Son olaraq KŞ-nin qərarının İP sessiyasının təsdiqinə verilməsi təklif olunur.-05D-