Bu ilin sentyabrında Azərbaycan banklarının məcmu aktivləri 485,1 mln manat və ya 3,1% artaraq 15513,85 mln manat (($19,75 mlrd) olub. İlin əvvəlindən bank aktivləri 15%, illik müddətdə 2431,3 mln və ya 18% artıb.
Azərbaycan Mərkəzi Bankının məlumatına görə, 2012-ci il oktyabrın 1-i üçün banklarda nağd pul 655,7 mln manat, müxbir hesablarında vəsait 1069,4 mln manat, maliyyə sektorunun kreditləşməsi 769 mln manat, müştəri kreditləşməsi 10130,4 mln manat, investisiya həcmi 1256,7 mln manat, başqa aktivlər 2118,1 mln manat olub.
Bank öhdəlikləri hesabat ayında 469,1 mln manat və ya 3,6% artaraq 13658,35 mln manat olub. Bundan 7058,3 mln manatı depozitlər, 4755,8 mln manatı maliyyə sektoruna verilən vəsaitlər və 1844,2 mln manatı başqa öhdəliklər təşkil edib.
Bankların ümumi kapitalı il ərzində 4,4 mln və ya 0,2% azalıb, sentyabrda 16 mln manat və ya 0,7 % artaraq 2324,6 mln manat ($2,98 mlrd) olub. --15B--
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz