Bu ilin oktyabrında Dövlət Gömrük Komitəsinin xətti ilə dövlət büdcəsinə 107 mln. manat köçürülüb. Son dörd ayda gömrükçülər 107 mln. manat səviyyəsində gömrük vergilərinin və rüsumlarının yığımının həcmini stabilləşdiriblər və bu templə illik planı yerinə yetirmək mümkün olacaq.
DGK-dan Turan-a bildirilib ki, 2012-ci ilin 9 ayında ümumi məbləği 987,8 mln. manat həcmində vergi və rüsum yığımı təmin edilib.
Bu il cəmi 1,2 mlrd. manatın toplanması proqnozlaşdırılır. Yığımın əsas hissəsi əlavə dəyər vergisinin payına düşür. Oktyabrda gömrük yığımlarında onun xüsusi çəkisi 85% təşkil edib.
2011-ci ildə DGK dövlət büdcəsinə 1 141 mln. manat köçürüb.
Dövlət büdcəsinin layihəsinə görə, gələn il DGK 1 380 mln. manat toplayacaq.
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz