Bu ilin əvvəlindən Qiymətli Kağızlar üzrə Dövlət Komitəsi üç bankın ümumi məbləği 90 mln. manat həcmində emissiya prospektini qeydiyyata alıb. Bunun 70 mln. manatını Kapital Bank, hər biri 10 mln. olmaqla AFB Bank və Gunay Bank buraxıb.
Ötən ilin analoji dövrü ilə müqayisədə beş bankın 72,3 mln. manat həcmində səhmlərinin emissiyası dövlət qeydiyyatından keçib.
Turan-ın hesablamalarına görə, başa çatmayan üç ay ərzində Bakı Fond Birjası 206, 7 mln. manat həcmində səhm yerləşdirib. Bunun 70 mln. manatı Kapital Bank-ın emissiyasıdır. 110,9 mln. manat Azərbaycan Beynəlxalq Bankına, 10 mln. Atrabank-а (emissiyanın ümumi həcmi 40 mln. manat), 3,6 mln. Gunay Bank-а, 12,2 mln. Əmrahbank-а (20 mln. manat) məxsusdur.
Ötən ilin həmin dövründə BFB-də 24,5 mln. manat həcmində səhm yerləşdirilib. Kapitalları çoxdan 100 mln. manatı ötmüş bankları (Kapital Bank və ABB) çıxsaq ötən illə müqayisə əhəmiyyətli olmayacaq.
2014-cü il yanvarın sonlarında Azərbaycan banklarının ümumi kapitalı 3460,8 mln. manata bərabər olub. Ölkənin 43 bankından 2-nin ümumi kapitalı 5 mln. manatdan az olub. 2007-ci ildən ümumi kapitalın həcmi ilə bağlı minimal tələb 10 mln. manat təşkil edir, 2015-ci ildə isə 50 mln.-dək artacaq. –15B--
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz