![AYİB marketinq və satış bacarıqlarının təkmilləşdirilməsində azərbaycanlı məsləhətçilərə yardım edir](https://turan.az/resized/./turan-750-500-resize.webp)
AYİB marketinq və satış bacarıqlarının təkmilləşdirilməsində azərbaycanlı məsləhətçilərə yardım edir
Ölkənin konsalitnq sənayesi üçün marketinq və satış mövzusunda ilk seminar başa çatdı. Avropa Yenidənqurma və İnkişaf Bankının Kiçik Biznesə Yardım qrupu Azərbaycanın yerli məsləhətçilərinin bacarıq və səriştələrini təkmilləşdirmək, həmçinin onlar tərəfindən kiçik və orta həcmli müəssisələr üçün keyfiyyətli layihələrin həyata keçirilməsinə və fəaliyyət göstərdikləri ixtisas sahələrinin genişləndirilməsinə dəstək vermək məqsədilə yerli məsləhətçilərlə işləyir.
Azərbaycandan olan on beş konsaltinq şirkəti 11-14 may tarixlərində Avropa İttifaqı tərəfindən maliyyələşdirilən dörd günlük seminarda iştirak etdilər. Təlimdə məsləhətçilər üçün marketinq və satış, Azərbaycanda yerli məsləhətçilər üçün bacarıqların yaradılması və onlar tərəfindən yerli müəssisələrə təqdim edilən xidmətlərin keyfiyyətinin yüksəldilməsi kimi məsələlərdən bəhs olunub.
“Bir çox kiçik və orta müəssisələr indiyə qədər məsləhət xidmətlərindən istifadə etməyiblər,” deyə AYİB Biznes Məsləhət Xidmətləri Proqram Meneceri Lalə Rzayeva bildirir. “Güclü marketinq texnikasının olması bu kiçik və orta müəssisələrin konsaltinq xidmətlərinin dəyərini daha yaxşı başa düşməsi və məsləhətçinin öz biznesini inkişaf etdirməsi üçün vacibdir.”
Seminar sayəsində məsləhətçilər Azərbaycanda konsaltinq xidmətləri bazarını daha yaxşı başa düşəcək və konkret ehtiyacları müəyyən edə biləcəklər. Bu seminar məsləhətçilər üçün ixtisaslaşmış təlim kurslarının tərkib hissəsidir ki, burada effektiv və təsirli konsaltinq, eləcə də uğurlu konsaltinq biznesi üçün ilkin bacarıqlar, resurslar və metodlar paylaşılır. Kurslarda konsaltinq karyerasında başlanğıc mərhələdən gəlirli biznesə doğru irəliləmək üçün işin sirləri öyrədilir və kiçik və orta müəssisələr üçün keyfiyyətli məsləhətin verilməsində məsləhətçilərə yardım göstərilir.
Avropa İttifaqı və AYİB tərəfindən maliyyələşdirilən seminar Azərbaycanda kiçik və orta müəssisələrə yardım etmək üçün sürətlə inkişaf edən konsaltinq bazarının yaradılması məqsədi daşıyan davamlı səylərin tərkib hissəsidir. 1998-ci ildə Azərbaycanda fəaliyyətə başladıqdan etibarən Kiçik Biznesə Yardım 700-dən çox müəssisənin inkişaf etmək üçün konsaltinq bacarıqlarına yiyələnməsinə yardım etmişdir. –0—
-
- İqtisadiyyat
- 14 Mart 2014 12:24
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz