SOCAR Energy Ukraine 2013-2014-cü illərdə Ukraynada pərakəndə şəbəkəyə $150 mln qoyacaq. Bu barədə ARDNŞ-nin mətbuat xidməti məlumat verir.
Məlumata əsasən, ARDNŞ bu dövrdə Ukraynada SOCAR brendli YDM sayını 100-120-yə çatdıracaq. Bunun üçün $150 mln investisiya lazımdır, deyə şirkət məlumat verir.
Xatırladaq ki, ilin əvvəlində SOCAR Energy Ukraine-nın baş direktoru Elçin Məmmədov 2013-cü ilə Ukraynada YDM sayının 60-dan 100-ə artırılacağını bəyan etmişdi. Həmçinin bildirmişdi ki, 2009-cu ildən şirkət Ukraynada inkişafa $160 mln-dan çox vəsait qoyub.
Ukraynada ARDNŞ təmsilçiliyi 2008-ci ildə açılıb. 2009-cu ildə şirkət “Tala-Nafta” şəbəkəsinin 20 YDM-ni, həmçinin Odessada "Svitanok" neft bazasını alıb. 2010-2011-ci illərdə şirkət ONIO (Kiyev və vilayətdə 4 YDM) və GFC-i (Lvov) alıb, eləcə də Ukraynada ilk çay bunker gəmisi ("Bakı-1") alıb. 2012-ci ilin avqustunda ARDNŞ Ukrayna Antiinhisar Komitəsindən 26 YDM və "Kalina" neft bazası qrupunu almaq üçün icazə alıb.
Şirkətin saytı məlumat verir ki, indiyədək Kiyevdə 34 stansiya və 1 bunker gəmisi istifadəyə verilib, qalan 26 YDM (əvvəllər "Kalina" şəbəkəsinə daxil olan) tikilmə və rebrendinq mərhələsindədir. --12D--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz