2015-ci ildə “UniBank” ASC 22,3 mln manat ziyana düşüb. Amma bankın il ərzində əməliyyat mənfəəti 85,5 mln manat olub.
Hesabata (https://goo.gl/707pum) əsasən, ziyan kreditlər üzrə mümkün itkilərə qarşı yaradılan 113,1 mln manat ehtiyat üzündən yaranıb. Bu il yanvarın 1-i üçün müştərilərə 654,7 mln manat kredit verilib. 2015-ci ildə “UniBank”ın verdiyi kredit 20,5 mln manat azalıb. Amma 2015-ci ildə depozitlər 10,7% artaraq 526 mln manata çatıb.
Xatırladaq ki, 2014-cü ildə “UniBank” ASC 48,5 mln manat mənfəət əldə edib və 9,5 mln manat mənfəət vergisi ödəyib.
“UniBank” ASC 2002-ci ildə «Proimtexbank» və «MBank»ın birləşməsi yolu ilə yaradılıb. Müşahidə Şurasının sədri Eldar Qəribov 56,9%, AYİB 12,1%, Almaniya İnvestisiya Korporasiyası (DEG) 6,68% səhm sahibidir. Bankın iki törəmə müəssisəsi (“UniCapital” və “Uni Leasing”) var. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz