4 kredit ittifaqının – «Aslanlı», «Mıxlıqovaq», «Maliyyə Kredit Ittifaqı» və «Nofəl Kredit Ittifaqı» lisenziyası ləğv edilib.
Azərbaycan Mərkəzi Bankının məlumatına görə, kredit ittifaqlarının lisenziyaları 2013-cü il ərzində auditor rəyi ilə təsdiq olunmuş maliyyə hesabatını, eləcə də son iki hesabat dövrü ərzində fəaliyyətlərinin yekunlarına dair hesabatı üzrsüz səbəbdən AMB-yə təqdim etməmələri ilə əlaqədar ləğv edilib.
"Aslanlı" kredit ittifaqı (Yardımlı rayonunda fəaliyyət göstərir) 2 iyul 2004-cü ildə, "Mıxlıqovaq" kredit ittifaqı (Qəbələ rayonu) 30 iyun 2006-cı ildə, "Maliyyə Kredit İttifaqı" (Bakı, Xəzər rayonu) 18 fevral 2011-ci ildə, "Nofəl Kredit İttifaqı" (Şəki şəhəri) 23 may 2011-ci ildə fəaliyyət üçün lisenziya əldə edib.
Kredit ittifaqlarının lisenziyalarının ləğv edilməsinə dair AMB-nin qərarı 28 oktyabr tarixində qəbul edilib. Qərar qəbul edildikdən 10 gün sonra qüvvəyə minir.
Bu kredit ittifaqlarına ləğvetmə komissiyası yaratmaq tapşırılıb.
AMB-nin məlumatına görə, 1 oktyabr 2014-cü il tarixinə 113 kredit ittifaqı fəaliyyət üçün lisenziyaya malikdir. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz