SKMF-nin 3 rüblük hesabatı

 Sahibkarlığa Kömək Milli Fondu yanvar-sentyabrda sahibkarlara 4 min 21 layihə üzrə 237 mln 271,9 min manat güzəştli kredit verib.

Fondun məlumatına görə, bu, ötən ilin eyni dövründəkindən (245 mln 198 min manat) 3,2% azdır. Layihə sayı artıb, belə nəticəyə gəlmək olar ki, kredit həcmi azalıb.

Müxtəlif sənaye məhsullarının istehsalı   və emalı üzrə 148 layihəyə 38 mln 656 min manat, kənd təsərrüfatı məhsullarının emalı üzrə 8 layihəyə 18 mln 191 min manat, kənd təsərrüfatı məhsullarının istehsalı üzrə 135 mln 837,9 min manat (4 min 49 layihə), xidmət (infrastruktur) sahələrinin inkişafına 44 mln 587,5 min manat (13 layihə) yönəldilib.

İlin 9 ayında 182 mln 520,5 min manat məbləğində 51 böyük həcmli kredit (1 mln və çox), 5 mln 638 min manat məbləğində 35 orta (1 mln-dək), 49 mln 113,4 min manat məbləğində 4 132 kiçik kredit verilib.

SKMF 1992-ci ildə yaradılıb. 2002-ci ildən fəal şəkildə kredit verməyə başlayıb. Kreditlər 46 müvəkkil bank və qeyri-bank kredit təşkilatı vasitəsilə verilir. 2013-ci ildə Fond 4500 layihəyə 275 mln manat güzəştli kreditlər verib. 2014-cü ildə SKMF xətti ilə sahibkarlığın güzəştli kreditləşməsinin həcmi 280 mln manata çatacaq. Son illər saxta sahibkarlıq təsərrüfatları vasitəsilə müvəkkil bankların milyonlarla vəsaiti mənimsəməsi barədə qalmaqallar yaranıb.  --17D—