Bakı/20.0917/Turan: Bu gün 6 xarici şirkət Azərbaycandakı filiallarını və törəmə şirkətlərini ləğv etdiklərini bəyan ediblər. Onlar hamısı 2013-2016-cı illərdə təsis edilmişdi, bu barədə Vergilər Nazirliyinin məlumatında deyilir.
"Obermeyer Project Management GmbH" şirkəti (Almaniya) 2013-cü ildə Bakıda filial açıb. Bir il əvvəl Dövlət Əmlak Məsələləri Komitəsinin yeni inzibati binasının tikinti işlərinin idarə edilməsi üzrə layihə-smeta sənədlərinin hazırlanması və konsultasiya xidmətləri üzrə tenderdə qalib gəlib. Müqavilələrin dəyəri 2 mln. 598,7 min manat təşkil edib. (http://www.bizimyol.info/news/66715.html).
Almaniyanın digər şirkəti - "Heidelberg Cement AG" ən böyük Azərbaycan holdinqi ilə tərəfdaşlıq haqqında saziş imzaladıqdan sonra Azərbaycanda öz filialını açıb. O, Akkord İnşaat-İstehsalat Korporasiyasının Qazax Sement Zavodunda 50% pay iştirakını alıb. Bu sazişdən sonra sement zavodunun nizamnamə kapitalı 800 mln. manata çatdırılıb. Filialın bağlanmasının səbəbləri haqqında hələlik məlumat verilmir.
"Tech Offshore Marine Azerbaijan" MMC, "Tech Electrics and Automation Azerbaijan" MMC, "Compass Offices Management Azerbaijan Limited" MMC və "Compass Delelopment Holdings VII Limited" şirkətinin filialı da bağlanır. 08D
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz