İqtisadiyyatın diversifikasiyasına həsr olunmuş seminar
Bakı/20.09.17/Turan: Bu gün Holiday İnn otelində "İqtisadi islahatlara jurnalist dəstəyi" adlı seminar keçirilir. Tədbir Azərbaycan Sahibkarlığın və Bazar İqtisadiyyatının İnkişafına Dəstək Fondu və ABŞ-da yerləşən Beynəlxalq Özəl Sahibkarlıq Mərkəzinin (CİPE) birgə layihəsi çərçivəsində təşkil edilib.
Layihədə məqsəd Azərbaycanda iqtisadi islahatlarla bağlı tövsiyələrin verilməsi üçün ekspert yardımının cəlb edilməsidir, fondun rəhbəri Sabit Bağırov bildirib.
Seminarda ekspertlər Azərbaycanda iqtisadi vəziyyət və zəruri islahatlara dair öz fikirlərini bölüşüblər.
Iqtisad elmləri doktoru, professor İnqilab Əhmədov qeyd edib ki, dünyada neftin qiymətinin çökməsi Azərbaycan iqtisadiyyatının diversifikasiyasını ölkə üçün aktual edir.
Azərbaycan kimi böyük olmayan ölkələr üçün ixracın diversifikasiyası mühüm əhəmiyyət kəsb edir. Ancaq rəqabətlı malların dünya bazarına çıxarılması üçün innovasiya və qabaqcıl texnologiyaların cəlb edilməsi vacibdir. Bu isə investisiya cəlb edilməsi şəraitində mümkündür.
Bu istiqamətdə müəyyən tədbirlərin görülməsinə baxmayaraq, statistika göstərir ki, ciddi irəliləyiş yoxdur. Belə ki, 2017-ci ilin birinci yarısında ölkə iqtisadiyyatına 400 mln. dollar cəlb edilib ki, bu, çox kiçik rəqəmdir.
İqtisadi İslahatlar Mərkəzinin rəhbəri Qalib Toğrul antiinhisar qanunvericiliyinin təkmilləşdirilməsinin və rəqabət üçün şəraitin yaradılmasının vacibliyini qeyd edib.
Onun fikrincə, real dəyişikliyə ÜTT standartlarının tətbiqilə nail olmaq olar.
Seminarda başqa mövzular üzrə təqdimatlar da olub: "Niyə kənd təsərrüfatına subsidiyalar verilməlidir?" (ekspert Vahid Məhərrəmli), "Böyük ekspertiza niyə keçirilməlidir? (professor Rasim Həsənov), "Devalvasiyanın sahibkarlığa mənfi təsirini necə azaltmalı?" (ekspert Samir Əliyev), "Lizinqi necə inkişaf etdirmək olar?" (İlkin Qarayev), "İnvestisiyaları necə artırmalı?" (Azər Mehdiyev). -06d--
-
- Siyasət
- 20 Sentyabr 2017 12:23
-
- İqtisadiyyat
- 20 Sentyabr 2017 14:16
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz