Bakı/20.09.17/Turan: "Azersun Holding" şirkətlər qrupu - kənd təsərrüfatı məhsullarının və onların emalı məhsullarının ən böyük istehsalçısı sentyabrın 20-də üç şirkətinin birləşdirildiyini elan edib. Bir müddət əvvəl şirkət eyni metodla 4 şirkətini ləğv etmişdi, bəziirkətlər isə hüquqlarını başqa şirkətlərə ötürmədən fəaliyyətlərini dayandırmışdılar.
"Fermer Yağ" İstehsalat Birliyi və "Svit Star" MMC "Bakı Qida və Yağ" MMC ilə birləşib. Bu şirkətlər bitki yağlarının və ərinmiş yağların, şokolad yağının istehsalı ilə məşğul olurlar.
Sentyabrda bu holdinqə məxsus olan "Meridian Dənizçilik və İdarəetmə", "Muğan Enerji" və "Azərsun Akademiyası" şirkətləri də ləğvini elan etmişdi.
2016-cı ildə real iqtisadiyyatın müxtəlif sahələrində fəaliyyət göstərən ən az 15 şirkətin daxil olduğu "Azersun Holding" şirkətlər qrupu 44,6 mln. manat xalis gəlir əldə ediblər, bu da 2015-ci ildə olduğundan 4 dəfə çoxdur. Qrupun illik dövriyyəsi 822 mln. manat təşkil edib. Bu, ötən il olduğundan 0.5 mlrd. manat çoxdur. 2017-ci ilin əvvəllərində holdinqin aktivləri 574 mln. manatdan çox idi. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz