Bakı/20.09.17/Turan: Bakı şəhər icra hakimiyyəti Demokratik Qüvvələrin Milli Şurasının sentyabrın 23-də "Məhsul" stadionunda mitinq keçirmək barədə bildirişinə müsbət cavab verib. Aksiyanın 23 sentyabr saat 15.00-dan 17.00-a qədər "Məhsul" stadionunda keçirilməsi nəzərdə tutulub.
Bir müddət əvvəl Xalq Cəbhəsi Partiyasının lideri Əli Kərimli bildirib ki, aksiya "landromat" qalmaqalı ilə əlaqədar keçirilir. Söhbət OCCRP beynəlxalq jurnalist araşdırma şəbəkəsinin 2012-2014-cü illərdə Azərbaycandan çirkli pulların yuyulması və lobbiçilik fəaliyyətinin dəstəklənməsi məqsədilə 2,9 mlrd. dollar çıxarılmasını aşkar etməsindən gedir.
DQMŞ Baş Prokurorluqdan korrupsiya yolu ilə əldə olunmuş və ölkədən çıxarılmış vəsaitlə bağlı cinayət işi açmağı tələb edir.
DQMŞ-nin mitinqində ölkədən qanunsuz yolla çıxarılmış pulların qaytarılması, təqsirli şəxslərin cəzalandırılması tələbləri irəli sürüləcək.
Qeyd edək ki, rəsmi Bakının nümayəndələri OCCRP-nin araşdırmasında irəli sürülən iddiaları təkzib ediblər və bunu Azərbaycana düşmən qüvvələrin növbəti təxribatı adlandırıblar. -03D06-
Siyasət
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
Rəy yaz