A.Axundov: Azərbaycanın qiymətli kağızlar bazarı 2016-cı ilin I yarısında modernləşdiriləcək

2016-cı ilin I yarısında Azərbaycanın qiymətli kağızlar bazarında yeni hüquqi çərçivələrin fəaliyyətini təmin etmək üçün informasiya sistemi tətbiq olunacaq. Qiymətli Kağızlar üzrə Dövlət Komitəsinin (QKDK) sədr müavini İlqar Muradov “Qiymətli kağızlar bazarı haqqında” qanunun təqdimatı zamanı belə deyib. Onun sözlərinə görə, bu seqmentin arxitekturasının yenilənməsi gedir. “Qiymətli kağızlar bazarı haqqında” qanun 2015-ci ilin iyul ayında qüvvəyə mindiyi üçün yeni maliyyə institutlarının yaradılmasına ehtiyac var.

Xatırladaq ki, qanuna əsasən, Azərbaycanda broker və diler şirkətlərinin fəaliyyəti vahid şəklə salınacaq. Onlar yalnız investisiya şirkətlərinin fəaliyyəti üçün lisenziya alacaqlar. İnvestisiya şirkətlərinin fəaliyyəti üçün lisenziyada bu lisenziyanın sahibinin göstərə biləcəyi əsas və yardımçı xidmətlər qeyd ediləcək. Həmçinin investisiya şirkətlərinin fəaliyyət lisenziyasının müddətsiz olacağı nəzərdə tutulur. (indiyədək broker və diler fəaliyyətinə lisenziyalar 5 il müddətinə verilirdi).

Xəbər verildiyi kimi, Dünya Bankının maliyyələşdirdiyi “Kapital bazarlarının müasirləşdirilməsi” layihəsi bu ilin yanvar ayında "Korea Exchange" şirkətini (Koreya birjası) kapital bazarlarının informasiya sistemlərinin təchizatı və quraşdırılması üzrə keçirilmiş tenderdə qalib elan edib. Müqavilənin dəyəri $5,546 mln təşkil edir. --17D—