Böyük Britaniyanın nüfuzlu “The Banker” jurnalı Azərbaycan Beynəlxalq Bankını dünyanın ən dayanıqlı 1000 bankı sırasına daxil edib.
Jurnalın reytinqində ABB aktivlərinin həcminə, kapitalın adekvatlıq əmsalına, kapitalın və aktivlərin gəlirliliyinə görə Mərkəzi və Şərqi Avropa ölkələrinə aid ən yaxşı bankların ilk 25-liyində təmsil olunur.
Renkinq cədvəlinin şərh hissəsində “TheBanker” jurnalı ölkəmizin bu regional renkinqin TOP-25-də (Rumaniyanın Transilvania Bankı və Bank of Georgia ilə birgə) ilk dəfə nominant olduğunu xüsusi qeyd edir. Bundan əlavə, Azərbaycan Beynəlxalq Bankı I dərəcəli kapitalının artım tempinə görə Mərkəzi və Şərqi Avropa banklarının ilk onluğuna daxil olaraq region üzrə dördüncü yeri tutub.
Qeyd edək ki, 2015-ci ildə ABB-nin bölünməmiş ziyanı 744,7 mln manata çatıb. Ötən il bankın aktivləri dövlət yardımı hesabına 48% artaraq 13 mlrd 657 mln manata çatıb. Bank bu il maliyyə hesabatını açıqlamayıb. --08D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz