«ABB-Moskva»nın Sankt-Peterburq filialının aktivləri son bir il ərzində 35% artıb

«ABB-Moskva»nın Sankt-Peterburq filialının aktivləri 2012-ci ilin I yarısının sonunda 3 036,3 mln rubl olub. 2011-ci ilin eyni dövrü ilə müqayisədə o,  779,8 mln rubl və 34,6% artıb, deyə Azərbaycan Beynəlxalq Bankının (ABB) mətbuat xidməti məlumat verir. 

2012-ci ilin I yarısının sonunda kredit portfelinin həcmi 2394,6 mln rubl təşkil edib. 2011-ci ilin eyni dövrü ilə müqayisədə artım 40,7% və ya 693,1 mln rubl təşkil edib. 

Fiziki şəxslərin depozit portfeli il ərzində 46,6% artaraq 555,5 mln rubla çatıb. 

Bu gün filial 835 aktiv korporativ müştəriyə xidmət edir. Bu, 2011-ci ilin eyni dövrü ilə müqayisədə 38% çoxdur. 

Yarım ildə hesab açmadan 8,8 min pul köçürmələri həyata keçirilib. Bu əməliyyatların həcmi 10,1 mln ABŞ dolları təşkil edib. O cümlədən ümumi həcmi 1,5 mln dollar olan 1,2 min köçürmələr ödənilib.

Hesabat dövründə filial 1 076 plastik kartı buraxıb. Ticarət ekvayrinq üzrə dövriyyə 126,5 mln rubl, bankomat və POS-terminallar vasitəsi ilə naqdlaşdırma əməliyyatların həcmi 125,5 mln rubl və 1,3 mln dollar təşkil edib. 

Filialın 16 bankomatı və 123 POS-terminalı var. 

«ABB-Moskva»nın Sankt-Peterburq filialı 2003-cü ildən fəaliyyət göstərir. Şəhərin müxtəlif yerlərində 3 xidmət ofisi olan filial, daha 2 yeni ofis açmağı planlaşdırır. –15D--