Təmirə bağlanan küçələrin siyahısı açıqlanıb

Bakı şəhərinin sakinləri və avtomobil sürücüləri, nəhayət, təmir işlərinin aparılması ilə əlaqədar şəhər nəqliyyatının hərəkəti üçün qismən və ya tam bağlı olan küçələrin siyahısı ilə tanış olmaq imkanları əldə ediblər.

  Nəqliyyatın İntellektual İdarə Olunması Mərkəzinin  məlumatına  görə, şəhərin mərkəzində - Neftçilər prospekti, Afiyəddin Cəlilov, Əziz Əliyev küçələrində, həmçinin Bülbül prospektində Neftçilər prospekti ilə Zərifə Əliyeva küçələrinin kəsişdiyi yerdə yol hərəkəti tamamilə bağlanıb.

Abbas Mirzə Şərifzadə və Nazim Hikmət (Yasamal rayonu) küçələrinin kəsişməsində “Kaktus” restoranı istiqamətində hərəkətin bir hissəsi bağlanıb, təmirçilər yolun sağ hissəsini müvəqqəti olaraq ikitərəfli elan ediblər.

Yasamal rayonunda Qələbə dairəsindən Əsəd Əhmədov küçəsi istiqamətində yol bağlanıb, yolun bir hissəsi ikitərəfli elan edilib. 

Ü.Hacıbəyov küçəsində hərəkət müvəqqəti ikitərəflidir ki, bu da K.Səfərəliyev və Rixard Zorge küçələrinin bağlanmasına imkan yaradıb.

Həmçinin Niyazi küçəsi tamamilə bağlanıb və Rəşid Behbudov küçəsinin Zərifə Əliyeva küçəsi və Neftçilər prospekti ilə kəsişməsində hərəkət dayandırılıb.

Nəqliyyatın İntellektual İdarə Olunması Mərkəzi ötən ilin sonlarında yaradılıb. Mərkəzin əsas vəzifəsi yol hərəkəti sahəsində qayda-qanun yaratmaq və müvafiq problemləri həll etməkdir. Lakin avtobuslarda qoyulmuş monitorlardan görünür ki, bu sahəyə nəzarət olduqca aşağı səviyyədədir. --17D—