“Azərbaycan Beynəlxalq Bankı” ASC-nin kapitallaşması bu il də davam etdiriləcək. 2013-cü ilin oktyabrında səhmdarlar nizamnamə kapitalının 500 mln manat artırılması barədə dörd illik konsepsiya qəbul ediblər.
Dövlət başçısının 2015-ci ilin dövlət büdcəsinin tətbiqi haqqında fərmanına əsasən, dövlətin nəzarət etdiyi müəssisələrin sağlamlaşdırılması və nizamnamə kapitalının artırılmasına 116 mln manat yönəldiləcək. Ekspertlərə görə, söhbət ilk növbədə ABB-dən gedir, çünki digər bu tip müəssisələr kapital artımı üçün dövlət büdcəsinin ayrıca maddələri ilə yardım alacaq. İndiyədək ABB-nin nizamnamə kapitalının artırılması üçün vəsait Nazirlər Kabinetinin Ehtiyat Fondundan cəlb edilirdi.
ABB-nin nizamnamə kapitalının artırılması konsepsiyası 2015-ci ildə investorlardan, o cümlədən dövlətdən 100 mln manat cəlb edilməsini nəzərdə tutur. İstisna olunmur ki, kapital 200 mln manat artırılsın. Bunun 50%-i Maiyyə Nazirliyi təmin edəcək.
ABB-də sonuncu müstəqil audit 2014-cü ilin I yarısını əhatə edib. Ona əsasən, nizamnamə kapitalı 563 295 000 manat, məcmu səhmdar kapitalı 705 mln manat olub.
2014-cü il iyulun 1-i üçün ABB-nin aktivləri 8,7 mlrd manat olub. Bankın aktivlərinin ölkə bankları (22 mlrd 569.8 mln manat) arasında xüsusi çəkisi 38,5% təşkil edib. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz