Bu gün ABŞ səfirliyinin müvəqqəti işlər vəkili Derek Hoqan Sumqayıtda olub və yerli administrasiya, vətəndaş cəmiyyəti təmsilçiləri, təhsil mübadilə proqramı məzunları və ABŞ Sülh korpusunun könüllüləri ilə görüşüb. Sumqayıt ŞİH başçısı Əzizov və QHT təmsilçiləri ilə görüşdə əsas müzakirə mövzularından biri seçkiöncəsi vəziyyət olub. «ABŞ Azərbaycandakı seçkilərə böyük əhəmiyyət verir, seçki günü elan edilən kimi səfir Mornnqstar bunu ifadə edib. Bizdə belə bir deyim var ki, seçki yalnız seçki günündə baş vermir. Seçki əslində mahiyyət etibarilə həm də seçkiyə aparan müddətdir. İnanırıq ki, Azərbaycanda seçki demokratik olacaq», deyə Hoqan Turan-a bildirib.
Sumqayıtdakı ABŞ Təhsil Mərkəzində təhsil mübadilə proqramı məzunları ilə görüş keçirilib. Məzunlar öz təəssüratları və topladıqları təcrübə barədə danışıblar.
ABŞ səfirliyinin müvəqqəti işlər vəkili Sumqayıt Texnologiyalar Parkında da olub, onu şəhərin sənaye və iqtisadi potensialı ilə tanış ediblər. 08C
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz