AccessBank gələcək jurnalistlər üçün birinci kursu başa vurub
Bu gün AccessBank British Council ilə əməkdaşlıq çərçivəsində, Thomson Foundation və Bakı Dövlət Universitetinin dəstəyi ilə həyata keçirilən "Yeni jurnalistlər nəsli" layihəsi üzrə ilk təlimi başa çatdırıb.
Bankdan verilən məlumata görə, praktik kurs onlayn jurnalistikaya həsr edilib. Kursu Thomson Foundation-un məsləhətçi, məşqçi və onlayn redaktoru Den Meyson (www.danmason.co.uk) keçirib. Beş gündə iştirakçılar onlayn alətlərdən istifadə və onlayn kontent yaradılmasını, sayt hazırlanmasını, veb-sayt və bloqlara nəzarət, foto şəkillərin çəkilməsi və redaktə olunması, audio və videoyazı öyrənmək imkanı əldə ediblər.
Kurs çərçivəsində isti xəbərləri işləmək üçün jurnalistikada sosial mediadan istifadə analiz edilib. Bütün tələbələr British Council-in BDU-da təşkil etdiyi ingilis dili kursuna gedib.
26 noyabrda layihə çərçivəsində 2-ci kurs başlayacaq. Kursun lektoru Thompson Foundation agentliyinin təlimçisi Oliver Ueytsdir. Proqramın ən fəal iştirakçıları seçilərək 2013-cü ilin aprel ayında Londona göndəriləcək. Bu səfər çərçivəsində tələbələr BBC, CNN, Reuters agentliklərinə, digər məşhur qəzet və jurnal redaksiyalarına baş çəkəcək, Böyük Britaniyanın aparıcı jurnalistləri ilə görüşlər keçirəcəklər, deyə məlumatda bildirilir.
British Council mədəni əlaqələr və təhsil imkanları üzrə Britaniyanın aparıcı beynəlxalq təşkilatıdır. Təşkilat dünyanın 109 ölkəsində fəaliyyət göstərir. British Council, xalqlar arasında etibarı möhkəmləndirmək, Böyük Britaniyanın xarici ölkələrdə ideya və nailiyyətlərini qiymətləndirmək məqsədi ilə Böyük Britaniyanın əhalisi ilə digər ölkələrin əhalisi arasında sıx münasibətlər yaradır.
АccessBank aşağı və orta gəlirli Azərbaycan ailələrinə, eləcə də mikro və kiçik sahibkarlara maliyyə xidmətləri göstərmək üçün yaradılıb. АccessBank Fitch beynəlxalq reytinq agentliyi tərəfindən Azərbaycan bankları arasında ən etibarlı bank adına layiq görülüb (sabit proqnozla "BB+" səviyyəsində), həmçinin Global Finance (2011) və Euromoney Nəşriyyat Qrupu (2012, 2011, 2010) tərəfindən "Azərbaycanın ən yaxşı bankı" və The Banker nəşri tərəfindən isə "İlin bankı" adına layiq görülüb.
AccessBank 100% xarici kapitala malikdir və 6 beynəlxalq maliyyə institutuna məxsusdur. Bunlar Avropa Yenidənqurma və İnkişaf Bankı, Beynəlxalq Maliyyə Korporasiyası, Qara Dəniz Ticarət və İnkişaf Bankı, KfW Development Bank - Almaniya Hökumətinin İnkişaf Bankı (hərəsi 20%), mikromaliyyələşdirmə sahəsində strateji maliyyəçi rolunda çıxış edən AccessHolding (16.5%) və Almaniyanın LFS Financial Systems GmbH (3.5%) şirkətləridir. –15D—
-
- İqtisadiyyat
- 22 Noyabr 2012 14:28
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz