AccessBank-ın karyera məktəbi

19 yanvar 2013-cü il tarixindən AccessBank QSC-nin "Natəvan" filialı "Qarant Sığorta" şirkətinin dəstəyi ilə gənclər üçün "Karyera məktəbi" adlı layihəyə başlayıb. Bankdan verilən məlumata görə, layihə çərçivəsində AccessBank-ın işə qəbul üçün elan etdiyi müsabiqənin test imtahanı mərhələsində yüksək nəticələr əldə edən, amma müsahibədən keçə bilməyən namizədlər üçün təlim keçirilib.

Təlim zamanı "Karyeranın planlaşdırılması və inkişafı", "CV-nin düzgün tərtib edilməsi", "İşə qəbul üçün müsahibədə uğurlu təqdimatın əsasları", "İş axtarışı" və sair bu kimi mövzuları əhatə edən mühazirələr oxunub. 7 gün ərzində AccessBank tərəfindən dəvət olunana təcrübəli mütəxəssislər öz biliklərini iştirakçılarla bölüşüb. Mühazirələr tanınmış ekspertlər, Azərbaycan Republikasının Gənclər Təşkilatlarının Milli Şurasının sədri Şahin Seyidzadə, Sosial və Psixoloji araşdırmalar Mərkəzinin rəhbəri Əhəd Kazımov tərəfindən təqdim olunub. Həmçinin təlimçi qismində "Qarant Sığorta" şirkətinin və AccesBank-ın departament rəhbərləri çıxış ediblər. 

Təlim iştirakçıları təşkilatçılara öz təşəkkürlərini bildirməklə yanaşı, bir çox faydalı biliklərə yiyələndiklərini deyiblər. 

Xatırladaq ki, layihə "Qarant Sığorta" şirkətinin dəstəyi ilə keçirilib və seminarda 3 ən fəal iştirak edən gənc üçün "Qarant Sığorta" şirkətində 1 aylıq iş təcrübəsi qazanmaq imkanı yaradılıb. Seminarın sonunda bütün iştirakçılara sertifikatlar təqdim olunub. –15D--