![«AtaBank» ASC 2012-ci ilə yekun vurub](https://turan.az/resized/./turan-750-500-resize.webp)
«AtaBank» ASC 2012-ci ilə yekun vurub
2012-ci ildə “AtaBank” ASC-nin maliyyə nəticələri uğurlu olub. Ötən il aktivlərin dinamikasında 24.5% və ya 56.5 mln manat artım müşahidə olunub. İlin əvvəlində aktivlər 231.0 mln manat təşkil edirdisə, ilin yekunlarına görə bu rəqəm 287.6 mln manata çatıb.
Aktivlərin əsas hissəsini təşkil edən kredit portfelində də artım nəzərə çarpacaq dərəcədə - 28,5% və ya 41,8 mln manat təşkil edib. İlin əvvəlində kredit göstəricisi 146.7 mln manat olduğu halda, yekunda bu rəqəm 188.5 mln manatı keçib.
2012-ci ilin yekununda bankın müddətli depozit portfelində əhəmiyyətli dərəcədə artım olub. Bu göstərici 16,3% və ya 26,6 mln manat artaraq, 189,6 mln manata çatıb. Qeyd edək ki, 2012-ci ilin əvvəlinə bu göstərici 163,1 mln manat təşkil edirdi. 2012-ci il ərzində fiziki şəxslərin müddətli əmanətlərinin böyük artım dinamikası qeydə alınıb. Belə ki, ilin əvvəli ilə müqayisədə fiziki şəxslərin müddətli əmanətləri 32,0% artaraq 134,5 mln manat təşkil edib.
İlin sonunda bankın aktivlərinin (ROA) və kapitalının (ROE) gəlirliliyi müvafiq olaraq 1,8% və 17,4% olub. 2012-ci il ərzində bankın bankomatlarının sayı 64-dən 72-ə artıb, POS terminal şəbəkəsinin sayı isə 9217 ədəd olub. İlin yekununda bankın xalis mənfəəti 4,4 mln manat təşkil edib.
Əldə olunan uğurlar 2013-ci ildə bankın, onun əməkdaşlarının üzərinə düşən məsuliyyəti daha da artırır. Daim bir addım öndə olmağı qarşısına prioritet kimi qoyan “AtaBank” bu il də iş sisteminin bir qədər təkmilləşdirmək, müştəri məmnunluğunu təmin etmək məqsədi ilə yeni layihələri həyata keçirmək niyyətindədir. Cari ildə maliyyə göstəricilərinin artımı və institusional inkişafının uğurla davam etdirilməsi də inkişaf strategiyasının ayrılmaz hissəsinə çevriləcək. Eyni zamanda, bank bir neçə elektron şöbə və filialın açılışını da planlaşdırır. 2013-ci ildə yeni xidmətlərin tətbiqi, əməkdaşların peşəkar səviyyəsinin daha da təkmilləşdirilməsi, beynəlxalq kredit və depozit reytinqlərini alınması və s. qarşıya qoyulan əsas məqsədlərdəndir. Hazırda bankın 2013-ci il üzrə maliyyə təsərrüfat göstəricilərinin auditini beynəlxalq audit şirkəti “Deloitte&Touche” həyata keçirir.
2012 ildə “Fitch Ratings” beynəlxalq reytinq agentliyi “AtaBank” ASC-nin qısamüddətli reytinqini “B” səviyyəsində qiymətləndirilmişdi. “AtaBank” ASC-nin 2012-ci ildən start verdiyi “Nağdsız ödə, nağd qazan” ani stimullaşdırıcı lotereya kampaniyasını uğurla davam etdirilib və kampaniya dövründə “AtaBank” ASC-nin plastik kart istifadəçilərinin sayında da artım olub. Belə ki, kampaniyada iştirak etmiş müştərilərdən 467 nəfər müxtəlif məbləğdə pul vəsaiti udub.
2012-ci ildə “AtaBank” ASC, ucqar bölgələrdəki vətəndaşlar üçün səyyar bankomat xidməti olan AtaMatik-i Şəmkir rayonu ərazisində istifadəyə verərək, sosial işçilər, müəllimlər və dövlət qulluğundakı digər işçilər, eləcə də sadə vətəndaşlara plastik kartlardan istifadədə rahatlıq təqdim edib. --15D--
-
- İqtisadiyyat
- 31 Yanvar 2013 12:59
-
- İqtisadiyyat
- 31 Yanvar 2013 13:18
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz