"Accessbank" QSC ötən il vergi ödəniləndən sonra 27,18 mln manat xalis mənfəət əldə edib. Bu, 2012-ci ildəkindən 72% çoxdur. Bankın gəlirləri 138,43 mln manat, xərcləri 103,77 mln manatdır. Onlar 36% və 27,5% artıb.
Aktivlər 53,2% artaraq 805,46 mln manat təşkil edib. Fiziki və hüquqi şəxslərə verilən kredit həcmi 52,8% artaraq 626,42 mln manat olub.
Bankın ümumi öhdəlikləri 416,73 mln-dan 679,09 mln manata artıb. Depozit portfeli 58,2% genişlənərək 213,05 mln manat, o cümlədən müddətli müştəri əmanətləri 66,5% artaraq 153,04 mln manat olub.
Balans kapitalı 15,7% artaraq 126,37 mln manata, məcmu kapital 18,1% artaraq 120,64 mln manata çatıb. Ödənilmiş nizamnamə fondu 85 mln manat səviyyəsində qalıb. --15B--
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz