ADA və PASHA Bank tələbələr üçün kredit proqramı təsis edib

ADA” Universiteti və PASHA Bank 2016/2017-ci tədris ilindən başlayaraq təhsil haqqına yeni güzəştlər və yeni tələbə krediti imkanları təklif edir.

Bakalavrlara 9 illik, magistrantlar üçün 5 illik kredit verilir. İllik faiz dərəcəsi tələbələrin akademik göstəricilərindən asılı olaraq 7%-dədir.

universitet qəbul imtahanlarında yüksək bal toplayan tələbələri həvəsləndirmək məqsədilə qəbul balına əsasən təqaüd proqramını da elan edib. Belə ki, Tələbə Qəbulu üzrə Dövlət Komissiyası tərəfindən keçirilən imtahanlarda 690-700 bal toplamış abituriyentlərə 100 faiz, 660-689 bal toplamış abituriyentlərə 40 faiz, 640-659 bal toplamış abituriyentlərə 30 faiz, 620-639 bal toplamış abituriyentlərə isə bir semestr müddətinə təhsil haqqına 20 faiz güzəşt olunacaq. “PAŞA Bank” ilə tərəfdaşlıqda hazırlanan bu təhsil krediti proqramının məqsədi universitetin tədris etdiyi ixtisaslara ölkəmizin bütün regionlarından ən istedadlı gənclərin cəlb edilməsidir.

Universitetdə təhsil haqqı 6 min manat və daha çoxdur. Bu, ölkə üzrə göstəricidən yüksəkdir.

Universitetdə təhsil ingiliscədir. Orta məktəblərdə bu dil çox pis öyrədilir. İngiliscəsi zəif tələbələrə EAPP (English for Academic Purposes Program) proqramı ilə əlavə dərs təklif edilir.—0--