ADY reytinq agentliklərinin xidmətindən imtina edib

“Azərbaycan Dəmir Yolları” QSC “Fitch Ratings” beynəlxalq reytinq agentliyi ilə əməkdaşlıqdan imtina edib. 

“Fitch Ratings” bununla bağlı emitentin «ВВВ-» uzunmüddtli reytinqini geri çağırıb.  

Xatırladaq ki, daha əvvəl “Standard & Poor`s” kredit reytinqləri xidməti “Azərbaycan Dəmir Yolları” QSC-nin uzunmüddətli korporativ kredit reytinqini (“BB-“) emitentin xahişi ilə geri çağırmışdı. Hər iki agentlik hökumətin ADY-ni dəstəkləmək imkanına şübhə ilə yanaşır. 

Amma qeyd etmək lazımdırki 2015-ci ildə AYD-ın  iqtisadi göstəriciləri pisləşməsi davam etmişdlir. 2015-ci ilin 9 ayında «Azərbaycan Dəmir Yolları» dövlət QSC-nin gəlirləri 4,1% azalıb.

Dövlətstatkomda Turan-a bildiriblər ki, yanvar-sentyabrda ADY-nin yük və sərnişin daşımalarından gəlirləri 7,2 mln manat azalaraq  171,6 mln manat olub.

Bununla belə, bu dövrdə ADY-nin mənfəəti 2014-cü ilin eyni dövrü ilə müqayisədə 11,1 mln manat artaraq 24,8 mln manat olub. Mənfəətlilik yük daşımalarından mədaxil hesabına əldə edilib.

Qeyd edək ki,  2015-ci ilin 9 ayında ADY-nin sərnişin daşımaları (1,4 mln nəfər) 24,8%, yük daşımaları (12,9 mln ton) 19,6% azalıb.