Qiymətli Kağızlar üzrə Dövlət Komitəsi yanvarın 26-da iki buraxılış dövlət istiqrazlarının emissiya prospektini qeydiyyata alıb. Maliyyə Nazirliyi investorlardan $500 mln cəlb edəcəyini gözləyir. QKDK-nın məlumatına görə, istiqrazların hər birinin nominal dəyəri 100 ABŞ dollarıdır. 3 mln ədəd qısamüddətli və 2 mln ortamüddətli istiqraz buraxılıb. QKDK dövlət QK-nın gəlirliliyi barədə informasiya vermir.
Buna qədər maliyyə naziri Samir Şərifov bildirib ki, dollar istiqrazları üzrə gəlirlilik illik 2-3% olacaq.
Maliyyə Nazirliyi manatla dövlət istiqrazları da buraxacaq.
Neft dollarlarının həcmi azaldığı üçün hökumət dövlət büdcəsinin icrasında çətinlik çəkir. Manat 100%-dən çox devalvasiyaya uğrayandan sonra əhalinin və investorların milli valyutaya etimadı qalmayıb. Ona görə xarici valyuta alışında ajiotaj yaranıb. Hökumət dollar istiqrazları buraxmaqla onları iqtisadiyyata cəlb etmək istəyir. 08D
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz