“AFB Bank” ASC-nin səhmdarları 2014-cü ildə üçüncü dəfə nizamnamə kapitalını artırmaq barədə qərar qəbul ediblər. Bu dəfə kapital səhmdarların hesabına 10,6 mln manat nağd yolla artırılacaq.
Qiymətli Kağızlar üzrə Dövlət Komitəsi tərəfindən "AFB Bank" açıq səhmdar cəmiyyətinin kütləvi təklif üsulu ilə yerləşdiriləcək hər birinin nominal dəyəri 1265 manat olan 8445 ədəd adi sənədsiz adlı səhmlərinin buraxılışını dövlət qeydiyyatına alıb.
Yerləşdirmə Bakı Fond Birjasında olacaq. Yekunda bankın nizamnamə kapitalı 70 mln manata çatacaq.
“AFB Bank” ASC 2008-ci ilin iyulunda təsis edilib. Bu ilin əvvəlində səhmdar kapitalı 42,3 mln manat olub. Fevralda səhmdarlar 10 mln manat vəsait qoyub, iyunda səhm konvertasiyası nəticəsində kapital 7,3 mln manat artıb.
Bu ilin əvvəli üçün “AFB Bank” ASC-nin aktivləri 234,3 mln manat olub. “Gilan” MMC bankda 99,47% səhm sahibidir. --08D--
İqtisadiyyat
-
Kiçik və Orta Sahibkarlıq Agentliyi (KOBİA) və İqtisadiyyat və Ekologiya və Təbii Sərvətlər Nazirliklərinin birgə təşkilatçılığı ilə bu gün Bakı şəhərində kiçik və orta sahibkarlıq (KOS) sektoru üçün yaşıl iqtisadiyyatda rolu müzakirə edən bir konfrans keçirilmişdir.
-
Sentyabrın qızılı günəşi altında, 2024-cü il sentyabrın 7-8-də Şamaxının Meisari kəndində Üçüncü Üzüm və Şərab Festivalı keçirildi. Bu tədbir şərab həvəskarları və turistləri Azərbaycanın qədim şərabçılıq ənənələrini qeyd etmək üçün bir araya gətirdi. Dövlət Turizm Agentliyinin təşkil etdiyi festival, ölkənin üzümçülük sahəsini dirçəltmək, yerli istehsalı artırmaq və ixrac imkanlarını genişləndirmək istiqamətindəki səylərini ön plana çıxardı.
-
Azərbaycan “Eurovision” üçün Crystal Hall, Bakı Olimpiya Stadionu və “Şahdağ” xizək kurortu daxil olmaqla, miqyaslı infrastruktur layihələrinə 1,6 milyard dollardan çox vəsait xərcləyib. Lakin London Biznes Məktəbinin məzunu və Sage Solutions şirkətinin direktoru Fikrət Məmmədovun sözlərinə görə, bu xərclər ölkə iqtisadiyyatına uzunmüddətli fayda gətirməyib.
-
İqtisadçı Qubad İbadoğlunun məqaləsində qeyd olunur ki, 2020-ci ildə 44 günlük İkinci Qarabağ müharibəsinin nəticələri Azərbaycan iqtisadiyyatına birbaşa xarici investisiyaların (BXİ) reytinqini əhəmiyyətli dərəcədə dəyişib. Son məlumatlar Rusiya, Türkiyə və Çindən xüsusilə işğaldan azad edilmiş ərazilərə yönəlmiş investisiyaların nəzərəçarpacaq dərəcədə artdığını göstərir. Bununla belə, inhisarçılıq, məhkəmə müstəqilliyinin olmaması və hökumətin dövlətlərin “dost” və ya “qeyri-dost” kimi təsnifatı kimi maneələr marağı azaltdığından Qərb investisiyaları məhdud olaraq qalır.
Rəy yaz