Avropa İttifaqı Avropa şirkətlərinin cəlb olunması ilə Türkmənistandan Avropaya qaz kəmərinin inşası ilə bağlı imkanlar axtarır. Bu barədə Aİ-nin Aşqabaddakı səfiri Denis Daniilidis bildirib.
Reuters məlumat verir ki, Avropa Komissiyasının vitse-prezidenti Maroş Şefçoviç Transxəzər qaz kəməri üzrə danışıqların bərpası üçün yaxın aylarda Türkmənistana səfər etmək niyyətindədir.
“Türkmənistanlı tərəfdaşlarımız ilə danışıqlar zamanı belə nəticəyə gəldik ki, Aİ şirkətlərini Avropa bazarı üçün Türkmənistan qazının alışına necə cəlb etməyi araşdırmaq lazımdır”, - Şefçoviç bildirib.
Martın 10-da Türkmənistan hakimiyyəti Xəzərin dibilə Türkmənistandan Azərbaycana çəkiləcək Transxəzər qaz kəməri ilə Avropaya ildə 10-dan 30 milyard kubmetrədək qazın nəqlinə dair fəal danışıqlar barədə bəyan ediblər. Sonra kəmər mövcud qaz borusu ilə birləşəcək, qaz Gürcüstan və Türkiyə ərazisilə Avropaya daxil olacaq.
Layihəni ABŞ da dəstəkləyir, lakin Rusiya və İran tikintiyə mane olmağa çalışırlar.
Azərbaycan, Qazaxıstan və Türkmənistan hesab edirlər ki, bu məsələ beş sahilyanı dövlətin hamısı ilə deyil, razılığa gələn iki tərəf arasında həll olunmalıdır. 02D-
İqtisadiyyat
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
Rəy yaz