2014-cü ildə Azərbaycan İpoteka Fondunun xətti ilə 2240 vətəndaş ipoteka krediti alıb. 1 yanvar 2015-ci il tarixinə verilən kreditlərin ümumi sayı 15842 təşkil edir.
Fondun məlumatına görə, sosial ipoteka kreditlərini 22,2% və ya 3,520 min nəfər (2014-cü ildə 1135 kredit) alıb.
İpoteka kreditləri alanların 37,9%-i 18-29 yaş arasında, 33,1%-i 30-35 yaş arasında, 29%-i 36 yaşdan yuxarı şəxslərdir. Borc alanların 32,8%-i dövlət sektorunda, 59,6%-i şirkət və firmalarda, 23,8%-i maliyyə-bank sektorunda, 13,8%-i neft-qaz sektorunda çalışır.
Fondun məlumatına görə, verilmiş ipoteka kreditlərinin 93%-i çoxmərtəbəli binalarda mənzil alınması, 7%-i fərdi evlərin alınması ilə bağlı olub. Bununla yanaşı, ipoteka kreditlərinin 41,8%-i 40-60 kv. metr sahəsi olan mənzillərin, 29,8%-i 60-80 kv. metr sahəsi olan mənzillərin, 10,8%-i 80-100 kv. metr sahəsi olan mənzillərin, qalanı isə digər sahələrə malik mənzillərin alınması üçün verilib.
İpotekaya götürülmüş mənzillərin çoxu (56,4%) 30-60 min manat, 34,7%-i 60-90 min manat, 4,3%-i 90-120 min manat, 2,9%-i 30 min manata qədər, 1,7%-i 120 min manatdan yuxarı məbləğdə olub.
Ailəli şəxslər (67,9%), kişilər (82,7%) daha çox mənzil ipotekaya götürür. Borc alanların 33,9%-nin aylıq gəliri 1100 manatı, 21,7%-nin - 700-900 manatı, 19,1%-i - 500-500 manatı ötür.
Fondun məlumatına görə, kreditlərin 70,2%-i və ya 11 120 kredit Bakının payına düşür. Paytaxtda daha çox Xətai rayonunda (22,3%), Yasamal rayonunda (15,8%) və Binəqədi rayonunda (14,2%) mənzil ipotekaya götürülüb. Ən az ipoteka krediti Qaradağ (2,6%) və Səbail rayonlarında (3,9%) verilib.
AİF 2005-ci ildə yaradılıb. Dövlət təkcə sosial ipotekaya yardım edir. Kommersiya ipotekası AİF istiqrazlarının buraxılışı hesabına maliyyələşir.
İpoteka kreditləri Azərbaycan vətəndaşlarına, 50 min manata qədər, 25 ilədək müddətə, illik 8%-dən çox olmamaqla verilir.
Güzəştli kreditlər 35 min manatadək, 30 ilə qədər müddətə, illik 4%-dək dərəcə ilə verilir.
AİF-in agent-bankları 2006-cı ildən indiyədək 15846 ipoteka krediti verib. Fondun vəsaitləri hesabına ipoteka kreditləşməsinin həcmi 633 mln 280,5 min manat təşkil edib. --17D—
İqtisadiyyat
-
Azərbaycan hökuməti sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunu asanlaşdırmaq üçün yeni qaydalar qəbul edib. 29 dekabrda Nazirlər Kabineti tərəfindən təsdiq edilmiş qərar, dövlət və özəl sektorun əməkdaşlığı vasitəsilə iş yerlərinin yaradılmasına yönəlmiş məqsədli proqramları əhatə edir.
-
Nazirlər Kabineti xüsusi sosial müdafiə ehtiyacları olan və iş tapmaqda çətinlik çəkən şəxslərə dəstək məqsədilə məqsədli məşğulluq proqramlarını həyata keçirmək üçün yeni qaydaları təsdiqləyib. Dövlət Məşğulluq Agentliyi tərəfindən icra olunacaq bu tədbirlər prioritet iqtisadi sahələrdə iş yerlərinin yaradılmasını təşviq edir.
-
Nazirlər Kabineti 24 may 2024-cü il tarixində qəbul edilmiş qanuna uyğunluğu təmin etmək məqsədilə bir sıra normativ aktlara əsaslı düzəlişlərin edildiyini elan edib. Bu qanun Vergi Məcəlləsi, Gömrük Məcəlləsi, dövlət rüsumları və lisenziyalaşdırma haqqında qanunların yenilənməsinə yönəldilmişdir.
-
Nazirlər Kabineti, ölkənin elektrik infrastrukturunun gücləndirilməsi məqsədilə qəbul edilmiş yeni qanunlara uyğun olaraq, energetika sahəsində əhəmiyyətli dəyişikliklər edib. 29 dekabrda Baş Nazir Əli Əsədov tərəfindən imzalanan qərar, bir neçə əvvəlki hökumət qərarına dəyişikliklər tətbiq edir və elektrik istehsalı və avadanlıqların istismarı ilə bağlı əsas qaydaların ləğvini nəzərdə tutur.
Rəy yaz