AIF 702,4 mln manat məbləğində 17374 ipoteka krediti verib

 Avqustun 1-i üçün Azərbaycan İpoteka Fondunun (AİF) agent bankları cəmi 702,4 mln manat ipoteka krediti veriblər.

AİF-in məlumatına görə, bu dövrdə 17 374 kredit verilib.

AİF 2005-ci ilin dekabr ayında yaradılıb və 2006-cı ilin I yarısında ipoteka kreditlərinin verilməsinə başlayıb. Sosial ipoteka 2007-ci ildən verilir.

Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 50 min manatı keçməməlidir. Kredit illik 8%-dən çox olmayan dərəcə ilə verilir.

Sosial ipoteka dövlət büdcəsindən maliyyələşdirilir. Onun maksimal məbləği 50 min manat təşkil edir, illik faiz dərəcəsi 4%-dən çox deyil.

Ötən il AİF-in verdiyi ipoteka kreditlərinin həcmi 97 mln manat (2013-cü ilə nisbətən mənfi 14,1 mln) olub.

Azərbaycan hökuməti ipoteka kreditləşməsini genişləndirmək yolu ilə tikinti tempini saxlamaq istəyir.

Prezident İlham Əliyev hökumətin iclasında ilin sonuna kimi sosial və kommersiya ipotekası üçün 200 mln manat ayrılacağını bildirib. Demək, ipoteka kreditləşməsi 2015-ci ildə 4 dəfə artacaq. 2014-cü ildə ipoteka həcminin 50 mln manat olacağı gözlənilirdi. 

Əliyev yeni binaların, ilk növbədə tikilməkdə olan binaların ipoteka kreditləşməsini prioritet adlandırıb.

Hökumət vətəndaşların nəyə üstünlük verdiyi anlayıb. AMB-nin məlumatına görə, son ildə alqı-satqı 29% azalıb. Təkrar bazar  33,4% azalaraq 1326,727 mln manata düşüb. İlkin bazar 22,9% artaraq 186,295 mln manata çatıb. İpoteka Fondunun məlumatına görə, verilən kreditlərin 93%-i çoxmərtəbəli binalarda alışlarla bağlıdır.

Daşınmaz əmlak alınması devalvasiyadan sonra xeyli azalıb. Banklar ipoteka kreditləşməsini tamamilə dayandırıb, sonra 29 bankdan 12-i ilkin ödənişin həcmini iki dəfə artıraraq 40-50%%-ə, sosial ipteka üçün 30-40%-ə çatdırıb.

Əvvəllər maliyyə naziri Samir Şərifov ipoteka kreditləşməsinin artacağını anons etmişdi. «Hesab edirəm ki, AMB bazarın aktivləşməsi üçün əlavə vəsait verəcək, zərurət yaransa, hökumət əlavə dövlət zəmanəti verəcək»,  deyə o bildirib.

AMB İH sədri Elman Rüstəmov isə ipoteka kreditləməsinin artırılması, regionlarda ipoteka kreditləşməsinin genişləndirilməsi və s haqqında təkliflər paketi hazırlandığını bildirmişdi.—0—