AİF-in istiqrazları yerləşdiriləcək
Azərbaycan İpoteka Fondu (AİF) sabah 5 mln manat məbləğində istiqrazın yerləşdirilməsi üzrə hərrac keçirəcək.
“Bu, AİF-in doqquzuncu emissiyadan olan istiqrazlarının yeddinci yerləşdirilməsi olacaq. Hərraca bir qiymətli kağızın nominal dəyəri 1 min manat olan 5 min ədəd istiqraz çıxarılır”, - deyə Fondun məlumatında qeyd edilir. Qiymətli kağızlar 100,1333% qiymətlə hərraca çıxarılacaq.
Xatırladaq ki, AİF yanvar-iyul aylarında altı hərrac çərçivəsində doqquzuncu emissiyadan 26 mln manat məbləğində istiqraz yerləşdirib.
Qiymətli Kağızlar üzrə Dövlət Komitəsi AİF-in 50 mln manat məbləğində istiqrazlarının doqquzuncu emissiya prospektini ötən ilin sonunda qeydiyyata alıb. Emissiya nominal dəyəri 1 min manat olan 50 min ədəd təmin edilmiş istiqraza bölünüb, istiqrazların tədavül müddəti 10 il, illik faiz dərəcəsi 3% təşkil edir.
AİF 2009-2014-cü illərdə 8 emissiya çərçivəsində ümumilikdə 340 mln manat məbləğində istiqraz yerləşdirib.
AİF 2005-ci ilin dekabrında yaradılıb və 2006-cı ilin martında ipoteka kreditlərinin verilməsinə başlayıb. Azərbaycanda sosial ipotekanın verilməsinə 2007-ci ildən başlanılıb və 6 ay davam edib. Fond 2009-cu il iyunun 1-dən 30 agent bank vasitəsilə kommersiya şərtləri ilə ipoteka kreditlərinin verilməsi prosesini bərpa edib.
Kommersiya ipoteka kreditləri manatla, Azərbaycan vətəndaşlarına verilir. Kreditlər 3 ildən 25 ilədək müddətə 8%-lə verilir. Kreditin maksimum həcmi 50 min manatı keçməməlidir.
2013-cü ildə AİF-in vəsaitləri hesabına ipoteka kreditləşməsinin həcmi 112,9 mln. manat, 2014-cü ildə 97 mln. manat təşkil edib. --17D—
-
- İqtisadiyyat
- 27 İyul 2015 16:08
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz