ARDNF-in investisiya portfelinin vəsaitlərinin 0,0015%-I manatladır

Azərbaycan Dövlət Neft Fondunun (ARDNF) investisiya portfelinin vəsaitlərinin $57,1 mln-u manatladır (ümumi aktivlər $37 mlrd 783,3 mln).

Fondun məlumatına görə, I yarımildə investisiya portfeli $35 mlrd 726,2 mln olub. İnvestisiya portfelinin strukturunda $17 mlrd 889,1 mln və ya 50,1% ABŞ dolları, 34% avro, 5,1% funt sterlinq, 0,6% Avstraliya dolları, 1,1% türk lirəsi, 1,8% rus rublu, 1,2% Cənubi Koreya vonu, 1,4% Çin yuanı, 1,5% digər valyutalar, 3,2% isə qızılda yerləşdirilib.

Fondun investisiya portfelinin vəsaitlərinin çoxu (44,1%) korporativ kağızlarda, 11,9%-i agentlik və beynəlxalq təşkilatların istiqrazlarında, 20,1%-i maliyyə istiqrazlarında, 11,8%-i qısamüddətli kommersiya kağızlarında, qalanları digər alətlərdə yerləşdirilib.

Coğrafi cəhətdən investisiya portfelinin 57,28%-i Avropa ölkələrində, 24,03%-i Şimali Amerika ölkələrində, 8,59%-i Asiya-Sakit okean regionu ölkələrində, qalanı digər regionlarda yerləşdirilib.

İnvestisiya portfelinin beşdə dördü (79,9%) istiqraz və depozitlərdə, 4,3%-i pul bazarı alətlərində, 7,7%-i səhmlərdə, 3,2%-i qızılda, 2,9%-i daşınmaz əmlakda, 2%-i investisiya layihələrində yerləşdirilib.

ARDNF dövlət başçısına hesabat verən büdcədənkənar dövlət təsisatıdır. Fondda neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən və digər mənbələrdən daxil olan gəlirlər. 2006-cı ildən onun vəsaitləri (55%) əsasən büdcənin gəlirlər hissəsinə yönəldilir. --17D—